കരിപ്പൂർ:കരിപ്പൂർ വിമാനത്താവളം വഴി സ്വർണം കടത്താൻ ശ്രമിച്ച മലപ്പുറം സ്വദേശി പിടിയിൽ.മലപ്പുറം അങ്ങാടിപ്പുറം സ്വദേശിയായ നിഷാദ് അലിയാണ് പിടിയിൽ ആയത്.സ്‌പൈസ് ജെറ്റ് SG703 വിമാനത്തിലെ സുരക്ഷാ ജീവനക്കാരനാണ് ഇയാൾ.മൂന്നര കിലോഗ്രാം സ്വർണമിശ്രിതമാണ് കോഴിക്കോട് കസ്റ്റംസ് പ്രിവന്റീവ് വിഭാഗം പിടികൂടിയത്.ഒരുകോടി അമ്പതുലക്ഷം രൂപ വിലവരുന്ന സ്വർണമിശ്രിതം ആണ് നിഷാദ് അലി കടത്താൻ ശ്രമിച്ചത്.
രഹസ്യവിവരത്തിന്റെ അടിസ്ഥാനത്തിൽ കഴിഞ്ഞ കുറെ ദിവസങ്ങളായി ഇയാൾ കസ്റ്റംസിന്റെ നിരീക്ഷണത്തിൽ ആയിരുന്നു.അറസ്റ്റിലായ ഇയാളെ മഞ്ചേരി കോടതി 14 ദിവസത്തേക്ക്‌ റിമാൻഡ് ചെയ്തു.
കരിപ്പൂർ വിമാനത്താവളത്തിൽ യാത്രക്കാർ കള്ളക്കടത്തായി കൊണ്ടുവരുന്ന സ്വർണം വൻതോതിൽ പിടികൂടാൻ തുടങ്ങിയതോടെയാണ് കള്ളക്കടത്തുകാർ വിമാന ജീവനക്കാരെ ഉപയോഗിച്ച് സ്വർണം കടത്താൻ തുടങ്ങിയത്.
കോഴിക്കോട് കസ്റ്റംസ് പ്രിവന്റീവ് വിഭാഗം അസിസ്റ്റന്റ് കമ്മീഷണർ കെ.വി.രാജന്റെ നേതൃത്വത്തിൽ സൂപ്രണ്ടുമാരായ ബഷീർ അഹമ്മദ്,
പ്രവീൺകുമാർ കെ.കെ, പ്രകാശ്.എം,ഇൻസ്പെക്ടർമാരായ പ്രതീഷ്.എം,മുഹമ്മദ് ഫൈസൽ.ഇ, കപിൽ സുറിറ,ഹെഡ് ഹവിൽദാർമാർ ആയ സന്തോഷ് കുമാർ എം,മോഹനൻ.ഇ.വി,രാജേഷ്.വി.കെ എന്നിവർ ചേർന്നാണ് സ്വർണം പിടികൂടിയത്.
Comments