തിരുവനന്തപുരം: സംസ്ഥാന മന്ത്രിസഭായോഗം ഇന്ന് ചേരും.ഓൺലൈനായി രാവിലെ ഒൻപതരയ്‌ക്കാണ് യോഗം ചേരുക.ആലപ്പുഴയിൽ നടന്ന കൊലപാതകങ്ങൾക്ക് ശേഷമുള്ള പോലീസ് നടപടികൾ,സമാധാനശ്രമങ്ങൾ എന്നിവ മുഖ്യമന്ത്രിയും ആലപ്പുഴയിൽ നിന്നുള്ള മന്ത്രി സജി ചെറിയാനും വിശദീകരിച്ചേക്കും.
ഇന്റലിജൻസിനും പോലീസിനും വീഴ്ചകൾ സംഭവിച്ചു എന്ന വിലയിരുത്തലുണ്ടെങ്കിലും അത് മന്ത്രിസഭയിൽ ഉന്നയിക്കപ്പെടാൻ സാധ്യത കുറവാണെന്നാണ് വിവരം.ആഭ്യന്തരവകുപ്പ് നിഷ്‌ക്രിയമാണെന്ന ആരോപണം സർക്കാറിനെ പ്രതിരോധത്തിലാക്കിയ അവസരത്തിലാണ് മന്ത്രി സഭായോഗം ചേരുന്നത്.
സംസ്ഥാനത്തെ ഒമിക്രോൺ സ്ഥിതിയും മന്ത്രിസഭ വിലയിരുത്തും. അവശ്യസാധനങ്ങളുടെ വിലക്കയറ്റം തടയാനുള്ള നടപടികളും വിപണി ഇടപെടലും പരിഗണനയ്‌ക്ക് വരുമെന്നാണ് റിപ്പോർട്ട്.
Comments