ഇന്ത്യയുടെ 150 ബില്യൺ ഡോളറിന്റെ സാങ്കേതിക കയറ്റുമതി കുതിച്ചുചാട്ടത്തെ പ്രശംസിച്ചു പാക് പ്രധാനമന്ത്രി ഇമ്രാൻ ഖാൻ

ഇസ്ലാമാബാദ്: സാങ്കേതിക കയറ്റുമതിയിൽ ഇന്ത്യയുടെ കുതിച്ചുചാട്ടത്തെ അഭിനന്ദിച്ചു പാകിസ്താൻ പ്രധാനമന്ത്രി ഇമ്രാൻഖാൻ. ഇന്ത്യയുമായി താരതമ്യം ചെയ്യുമ്പോൾ തന്റെ രാജ്യം വളരെ പിന്നിലാണെന്ന് പാക് പ്രധാനമന്ത്രി സമ്മതിച്ചു. ഡിസംബർ 23ന് ലാഹോർ ടെക്നോപോളിസിന്റെ ഉദ്ഘാടന ചടങ്ങിനെ അഭിസംബോധന ചെയ്താണ് ഇമ്രാൻ ഖാൻ ഇക്കാര്യം വ്യക്തമാക്കിയത്. 15-20 വർഷത്തിനുള്ളിൽ ഇന്ത്യൻ സാങ്കേതിക കയറ്റുമതിയിൽ 150 ബില്യൺ ഡോളറായി കുതിച്ചുയർന്നു. എന്നാൽ പാകിസ്ഥാൻ വളരെ പിന്നിലാണെന്നും 2 ബില്യൺ ഡോളറിലെത്താൻ മാത്രമേ കഴിയൂ എന്നും അദ്ദേഹം പറഞ്ഞു.

നിർഭാഗ്യവശാൽ യുവജനങ്ങളുടെ ഒരു വലിയ ജനസംഖ്യ ഉൾപ്പെടെ അനുയോജ്യമായ സാഹചര്യങ്ങളുണ്ടായിട്ടും പാകിസ്താൻ ഈ മേഖലയിൽ പിന്നിലായി. 15 മുതൽ 20 വർഷത്തിനുള്ളിൽ ഇന്ത്യൻ ടെക് കയറ്റുമതി 150 ബില്യൺ ഡോളറായി കുതിച്ചുയർന്നു. എന്നാൽ പാകിസ്താന്റേത് 2 ബില്യൺ ഡോളറിൽ ഒതുങ്ങുന്നു.

വലിയൊരു യുവജനസംഖ്യയുൾപ്പെടെ അനുയോജ്യമായ സാഹചര്യങ്ങൾ ഉണ്ടായിട്ടും സാങ്കേതിക മേഖലയിൽ പാകിസ്താൻ മുന്നേറാൻ എങ്ങനെ പരാജയപ്പെട്ടുവെന്നും അദ്ദേഹം ചോദിച്ചു. രാജ്യം സാമ്പത്തിക വളർച്ച കൈവരിക്കാൻ തുടങ്ങിയപ്പോൾ യന്ത്രസാമഗ്രികളുടെ ഇറക്കുമതി മൂലം കറന്റ് അക്കൗണ്ട് തകരാറിലായെന്നും അദ്ദേഹം കൂട്ടിച്ചേർത്തു.

ഇത് ആത്യന്തികമായി പ്രാദേശിക കറൻസിയുടെ മൂല്യം കുറയ്‌ക്കുകയും വായ്പകൾക്കായി ഐഎംഎഫിനെ സമീപിക്കാൻ സർക്കാരിനെ നിർബന്ധിക്കുകയും ചെയ്തു. കയറ്റുമതി വർധിപ്പിച്ച് സമ്പത്ത് സൃഷ്ടിക്കാൻ അനുവദിക്കുന്നതിലൂടെ മാത്രമേ രാജ്യത്തിന് ഈ പ്രതിസന്ധിയിൽ നിന്ന് കരകയറാൻ കഴിയൂവെന്നും പാക് പ്രധാനമന്ത്രി വ്യക്തമാക്കി.

പാകിസ്ഥാൻ കട പ്രതിസന്ധി
അന്താരാഷ്‌ട്ര സംഘടനകളിൽ നിന്നും സൗഹൃദ രാഷ്‌ട്രങ്ങളിൽ നിന്നുമുള്ള കടങ്ങളും വായ്പകളും കാരണം പാകിസ്ഥാന്റെ സമ്പദ്വ്യവസ്ഥ തകർന്നിരിക്കുന്ന സമയത്താണ് ഇമ്രാൻ ഖാന്റെ പ്രസ്താവന. പാകിസ്ഥാൻ സ്ഥിരമായി കടം വാങ്ങുന്ന രാജ്യങ്ങളിലൊന്നാണ് യുഎഇ. ഇമ്രാൻ ഖാന്റെ നേതൃത്വത്തിലുള്ള സർക്കാർ 4.2 ബില്യൺ ഡോളർ വായ്പാ പാക്കേജിന് പകരമായി കഴിഞ്ഞ മാസം കർശനമായ വ്യവസ്ഥകൾ ഏർപ്പെടുത്തി.

മൂന്ന് ദിവസത്തെ നോട്ടീസിൽ എപ്പോൾ വേണമെങ്കിലും കടം തിരികെ നൽകാൻ രാജ്യം ബാധ്യസ്ഥരായിരിക്കുമെന്ന മുന്നറിയിപ്പോടെ ഒരു വർഷത്തേക്ക് 3 ബില്യൺ ഡോളർ നൽകാൻ സൗദി അറേബ്യ സമ്മതിച്ചിട്ടുണ്ടെന്ന് വാർത്താവിതരണ പ്രക്ഷേപണ മന്ത്രി ഫവാദ് ചൗധരി പറയുന്നു.

കഴിഞ്ഞ തവണ അറബ് രാഷ്‌ട്രത്തിൽ നിന്ന് കടമെടുത്തപ്പോൾ ചൈനയിൽ നിന്ന് അത്രയും തുക വായ്പ തിരിച്ചടയ്‌ക്കാൻ നിർബന്ധിതരായി. 2020-21 സാമ്പത്തിക വർഷത്തിൽ കാലാവധി പൂർത്തിയാകുന്ന കടം തിരിച്ചടയ്‌ക്കാൻ ചൈനയ്‌ക്ക് 26 ബില്യൺ രൂപ പലിശയിനത്തിൽ പാക്കിസ്താന് നൽകേണ്ടി വന്നു. ചൈനയുടെ ബെൽറ്റ് ആൻഡ് റോഡ് ഇനിഷ്യേറ്റീവ് (ബിആർഐ) പദ്ധതി കാരണം പണമില്ലാത്ത രാജ്യം മൊത്തം 385 ബില്യൺ ഡോളറിന്റെ ‘മറഞ്ഞിരിക്കുന്ന കടങ്ങൾ’ അഭിമുഖീകരിക്കുന്നുണ്ടെന്നാണ് റിപ്പോർട്ട്.