സൂര്യഭഗവാന് മുന്നിൽ ഗായത്രിമന്ത്ര ജപം ; പുതുവർഷത്തെ ഈശ്വരചൈതന്യത്തോടെ വരവേറ്റ് അക്ഷയ്കുമാർ

മുംബൈ : ഓരോത്തരും ഓരോ രീതിയിലാകും പുതുവർഷത്തെ വരവേൽക്കുന്നത് . പടക്കം പൊട്ടിച്ചും , സുഹൃത്തുക്കൾക്കൊപ്പം മദ്യം നുണഞ്ഞും , ഡിജെ പാർട്ടി നടത്തിയുമൊക്കെ പുതുവർഷത്തെ വരവേൽക്കുന്നവരാണ് ഏറെയും . എന്നാൽ സിനിമാതാരം അക്ഷയ്കുമാർ പുതുവർഷത്തെ വരവേറ്റത് ആത്മീയതയിലൂടെയാണ്.

മാലിദ്വീപിൽ കുടുംബത്തോടൊപ്പം അവധിക്കാലം ആഘോഷിക്കുകയാണ് താരം . 2022 ലെ ആദ്യ ദിനത്തെ വരവേൽക്കാൻ നേരത്തെ തന്നെ ഉണർന്നു. തുടർന്ന് സൂര്യഭഗവാന് മുന്നിൽ ഗായത്രി മന്ത്രം ജപിച്ച് 2022 ലെ ആദ്യ സൂര്യോദയത്തെ അഭിവാദ്യം ചെയ്തു. “പുതുവർഷം, ഞാനും ഉണർന്ന് എന്റെ പഴയ സുഹൃത്തായ സൂര്യനെ അഭിവാദ്യം ചെയ്തു, കൊറോണ ഒഴികെയുള്ള എല്ലാ കാര്യങ്ങളും പോസിറ്റീവോടെ എന്റെ 2022 ആരംഭിച്ചു. എല്ലാവരുടെയും നല്ല ആരോഗ്യത്തിനും സന്തോഷത്തിനും വേണ്ടി പ്രാർത്ഥിക്കുന്നു. പുതുവത്സരാശംസകൾ!” അക്ഷയ് വീഡിയോയ്‌ക്ക് നൽകിയ അടിക്കുറിപ്പ് ഇത്തരത്തിലായിരുന്നു.

അടുത്തിടെ, അക്ഷയ് കുമാർ സറാ അലി ഖാനും ധനുഷിനുമൊപ്പം എടുത്ത ചിത്രങ്ങളും ശ്രദ്ധ നേടിയിരുന്നു . ഒരു നടനെന്ന നിലയിൽ, താനും സഹതാരങ്ങളും തമ്മിലുള്ള പ്രായവ്യത്യാസത്തെക്കുറിച്ച് താൻ ഒരിക്കലും ചിന്തിക്കാറില്ലെന്നും ആ ചിത്രത്തെ പറ്റി അക്ഷയ് കുമാർ പറഞ്ഞു