ഭോപ്പാൽ : മാവിൽ തുപ്പി തന്തൂരി റൊട്ടിയുണ്ടാക്കിയ പാചകക്കാരനെതിരെ പരാതി . പട്യാലയിലെ ഒരു ധാബയിലാണ് സംഭവം . തൊഴിലാളി തന്തൂരി റൊട്ടി ഉണ്ടാക്കുമ്പോൾ മാവിൽ തുപ്പുന്ന വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്. ഷെറൻ വാല ഗേറ്റിന് സമീപമുള്ള ധാബയിൽ നിന്നാണ് വീഡിയോയെന്നാണ് റിപ്പോർട്ടുകൾ സൂചിപ്പിക്കുന്നത്. ആരാണ്, എപ്പോഴാണ് വീഡിയോ പകർത്തിയതെന്ന് വ്യക്തമല്ല.
വീഡിയോ വൈറലായതോടെ ആരോഗ്യവകുപ്പ് ധാബയിൽ റെയ്ഡ് നടത്തിയെങ്കിലും ധാബ അടച്ചിട്ടതിനാൽ കൂടുതൽ വിവരങ്ങൾ ശേഖരിക്കാൻ കഴിഞ്ഞില്ല. . അതേസമയം, പ്രദേശത്തെ താമസക്കാരും കടയുടമകളും ഉൾപ്പെടെ ഒരു സംഘം ആളുകൾ ഈ വിഷയത്തിൽ ധാബ ഉടമയെ സമീപിച്ചതായി റിപ്പോർട്ട് ഉണ്ട് . എന്നാൽ ധാബ ഉടമ ഈ ആരോപണങ്ങൾ നിഷേധിച്ചു, ധാബ തൊഴിലാളി റൊട്ടിയിൽ തുപ്പുന്നതല്ലെന്നും , കാണുന്നവർക്ക് അങ്ങനെ അയാൾ തുപ്പുന്നത് പോലെ തോന്നുന്നതാണെന്നുമാണ് ധാബ ഉടമയുടെ വാദം . സംഭവത്തെ അന്വേഷിക്കാൻ ധാബയിൽ വീണ്ടും റെയ്ഡ് നടത്തുമെന്ന് ജില്ലാ ആരോഗ്യവകുപ്പ് അധികൃതർ അറിയിച്ചു.
ധാബ തൊഴിലാളികളും ബേക്കറി തൊഴിലാളികളും പഴം-പച്ചക്കറി വിൽപ്പനക്കാരും ഭക്ഷണ സാധനങ്ങളിൽ തുപ്പുന്നതിന്റെ ദൃശ്യങ്ങൾ മുൻപും രംഗത്ത് വന്നിട്ടുണ്ട് .
Comments