തിരുവനന്തപുരം: ശ്രീചിത്രയിൽ ഇരുപത് പേർക്ക് കൊറോണ സ്ഥിരീകരിച്ചു. എട്ട് ഡോക്ടർമാർ ഉൾപ്പെടെയുള്ള ജീവനക്കാർക്കാണ് രോഗം സ്ഥിരീകരിച്ചത്. ഇതോടെ ആശുപത്രിയിലെ ഓപ്പറേഷൻ തീയറ്റർ അടച്ചു.
കഴിഞ്ഞ കുറച്ച് ദിവസങ്ങളായി തിരുവനന്തപുരത്ത് കൊറോണ വ്യാപനം കുതിച്ചുയരുകയാണ്. വിദ്യാർത്ഥികൾ ഉൾപ്പെടെ നൂറിലേറെ പേർക്ക് കൊറോണ ബാധിച്ചതിനെ തുടർന്ന് തിരുവനന്തപുരം എൻജിനീയറിങ് കോളേജ് അടച്ചിരുന്നു.
40 വിദ്യാർത്ഥികൾക്ക് കൊറോണ സ്ഥിരീകരിച്ചതിനെ തുടർന്ന് തിരുവനന്തപുരത്തെ ഫാർമസി കോളജും അടച്ചിരുന്നു. പുതുവത്സര പാർട്ടിയിൽ പങ്കെടുത്തവർക്കായിരുന്നു രോഗം കണ്ടെത്തിയത്. മെഡിക്കൽ കോളേജിലും ക്ലസ്റ്റർ രൂപപ്പെട്ടതായി ആരോഗ്യവകുപ്പ് അറിയിച്ചിരുന്നു.
Comments