യുഎഇയിൽ പ്രതിദിന കൊറോണ കേസുകൾ മൂവായിരം കടന്നു

ദുബായ് : യുഎഇയിൽ വെള്ളിയാഴ്ച പുതുതായി 3068 പേർക്കു കൂടി കൊറോണ സ്ഥിരീകരിച്ചതായി ആരോഗ്യരോഗപ്രതിരോധ മന്ത്രാലയം അറിയിച്ചു. 1226 പേരാണ് രോഗമുക്തി നേടിയത്. മൂന്നു മരണവും റിപ്പോർട്ട് ചെയ്തു.

ഇതോടെ രാജ്യത്തെ അകെ രോഗബാധിതരുടെ എണ്ണം 799,065 ആയി. ഇതിൽ 758,031 രോഗമുക്തി നേടി.ആകെ മരണം 2185. നിലവിൽ ചികിത്സയിലുള്ളത് 38,849 പേരാണ്. വിവിധ രാജ്യക്കാരാണു രോഗബാധിതരെന്നും ഇവർക്കു മികച്ച ചികിത്സയാണു നൽകുന്നതെന്നും അധികൃതർ പറഞ്ഞു. 24 മണിക്കൂറിനിടെ 424,861 പേരെയാണു പരിശോധനയ്‌ക്ക് വിധേയരാക്കിയത്.

ജനങ്ങളുടെ ആരോഗ്യവും സുരക്ഷയും ഉറപ്പാക്കാൻ നിർദ്ദേശങ്ങൾ പാലിച്ച് അധികൃതരുമായി സഹകരിക്കാനും ശാരീരിക അകലം പാലിക്കാനും ആരോഗ്യരോഗപ്രതിരോധ മന്ത്രാലയം നിർദ്ദേശിച്ചു. രാജ്യത്ത് അനുദിനംകൊറോണ രോഗികളുടെ എണ്ണം വർധിക്കുന്ന സാഹചര്യത്തിൽ കേസുകൾ നേരത്തെ കണ്ടെത്തുന്നതിനും ആവശ്യമായ ചികിത്സ നടത്തുന്നതിനും രാജ്യവ്യാപകമായി പരിശോധന തുടരുകയാണ്.