യുഎഇയിൽ ഇന്ന് 2,989 പേർക്ക് കൊറോണ സ്ഥിരീകരിച്ചു; നടത്തിയത് മൂന്നര ലക്ഷത്തോളം പരിശോധന

അബുദാബി : യുഎഇയിൽ ഇന്ന് 2,989 പേർക്ക് കൊറോണ സ്ഥിരീകരിച്ചു. 945 പേർക്ക് രോഗം ഭേദമായി. കഴിഞ്ഞ ഇരുപത്തിനാല് മണിക്കൂറിനിടെ നടത്തിയ മൂന്നര ലക്ഷത്തോളം കൊറോണ പരിശോധനകളിൽ നിന്നാണ് രോഗികളെ കണ്ടെത്തിയത്.

ഇതോടെ രാജ്യത്തെ ആകെ രോഗ ബാധിതരുടെ എണ്ണം 44,829 ആയി ഉയർന്നു. നാലു മരണം കൂടി റിപ്പോർട്ട് ചെയ്തതോടെ ആകെ മരണ സംഖ്യ 2195 ആയി. അതേസമയം കഴിഞ്ഞ ദിവസത്തെ അപേക്ഷിച്ച് പ്രതിദിന കൊറോണ രോഗ ബാധയിൽ കുറവ് രേഖപ്പെടുത്തി. ഇന്നലെ 3067 പേർക്കാണ് രോഗം സ്ഥിരീകരിച്ചിരുന്നത്. രാജ്യത്ത് നിയന്ത്രണങ്ങൾ ഏർപ്പെടുത്തുന്നത് ഉൾപ്പെടയുള്ള പ്രതിരോധ പ്രവർത്തനങ്ങൾ പുരോഗമിക്കുകയാണ്.