രാജ്യ സുരക്ഷയ്‌ക്ക് ഭീഷണി ; തിരിച്ചടിയായത് രാജ്യവിരുദ്ധ റിപ്പോർട്ടുകൾ; മീഡിയ വൺ വിലക്കിയതിന്റെ വിശദാംശങ്ങൾ പുറത്ത്

ഡൽഹി: ജമാ അത്തെ ഇസ്ലാമിയുടെ മാദ്ധ്യമ സ്ഥാപനമായ മീഡിയാ വണ്ണിന് കേന്ദ്ര വാർത്താ വിതരണ മന്ത്രാലയം വിലക്കേർപ്പെടുത്തിയത് സുരക്ഷാ കാരണങ്ങൾ ചൂണ്ടിക്കാട്ടി

രാജ്യ സുരക്ഷയെ ബാധിക്കുന്ന റിപ്പോർട്ടുകൾ തുടർച്ചയായി സംപ്രേഷണം ചെയ്തതാണ് നടപടിക്ക് കാരണം . സ്ഥാപനത്തിന്റെ ലൈസൻസ് പുതുക്കി നൽകാൻ ആഭ്യന്തരമന്ത്രാലയം വിസമ്മതിച്ചു .സുരക്ഷാ ക്ലിയറൻസുമായി ബന്ധപ്പെട്ട നോട്ടീസ് വാർത്താ വിതരണ മന്ത്രലയത്തിൽ നിന്നും മുൻകൂട്ടി തന്നെ സ്ഥാപനത്തിന് നൽകിയിരുന്നു . എന്നാൽ ഇതിനു വ്യക്തമായ മറുപടി മീഡിയ വൺ നൽകിയില്ല .

മുൻപും ചാനൽ പ്രക്ഷേപണവുമായി ബന്ധപ്പെട്ട സുരക്ഷാ കാര്യങ്ങൾ ചൂണ്ടിക്കാട്ടി സ്ഥാപനത്തിന് നോട്ടീസ് നൽകിയിരുന്നു .രാജ്യ വിരുദ്ധ റിപ്പോർട്ടുകൾ സംപ്രേഷണം ചെയ്യുന്നുവെന്ന നിരവധി പരാതികൾ ആഭ്യന്തര മന്ത്രാലയത്തിന് ലഭിച്ചിരുന്നു.

മീഡിയ വൺ പ്രക്ഷേപണം ചെയ്ത ഇന്ത്യ വിരുദ്ധ പ്രോഗ്രാമുകളും , വാർത്തകളും ,പാക്കിസ്‌താനിലെ വിവിധ മാദ്ധ്യമങ്ങൾ വലിയ വാർത്താ പ്രാധാന്യത്തോടെ റിപോർട്ട് ചെയ്തിരുന്നു .കശ്മീർ പ്രത്യേക പദവി റദ്ദാക്കൽ , സൈനികരും ഭീകരരുമായുള്ള ഏറ്റുമുട്ടൽ , തുടങ്ങി തന്ത്ര പ്രധാന വിഷയങ്ങളിൽ മീഡിയ വൺ നൽകിയ റിപ്പോർട്ടുകൾ പാക് മാദ്ധ്യമങ്ങൾ അന്ത രാഷ്‌ട്ര വേദികളിൽ ഇന്ത്യ- വിരുദ്ധ പ്രചാരണത്തിന് ഉപയോഗിച്ചിരുന്നു .

സി എ എ വിരുദ്ധ കലാപവുമായി ബന്ധപ്പെട്ട് വ്യാജ വാർത്തകൾ നൽകി ഡൽഹിയിൽ കലാപം ആളിക്കത്തിച്ചതുമായി ബന്ധപ്പെട്ട് ചാനലിനെതിരെ മുൻപും നടപടി ഉണ്ടായിരുന്നു .