ഗോവ: 10 പേരുമായി ചുരുങ്ങിയിട്ടും ബ്ലാസ്റ്റേഴ്‌സിന്റെ വിജയ കുതിപ്പ് ബ്ലോക്ക് ചെയ്യാൻ നോർത്ത് ഈസ്റ്റിനായില്ല. ഒന്നിനെതിരെ രണ്ട് ഗോളുകൾക്ക് നോർത്ത് ഈസ്റ്റിനെ തകർത്ത് കഴിഞ്ഞ മത്സരത്തിലെ തോൽവിക്ക് ശേഷം വിജയവഴിയിലേയ്‌ക്ക് തിരിച്ചു വന്നിരിക്കുകയാണ് മഞ്ഞപ്പട.
70-ാം മിനിറ്റിൽ മത്സരത്തിലെ രണ്ടാം മഞ്ഞക്കാർഡ് കണ്ട് ആയുഷ് അധികാരി പുറത്തായ ശേഷം 10 പേരുമായാണ് ബ്ലാസ്റ്റേഴ്സ് വിജയം നേടിയത്. 62-ാം മിനിറ്റിൽ പെരേര ഡിയാസിലൂടെ ബ്ലാസ്റ്റേഴ്സ് ആദ്യഗോൾ നേടി മത്സരത്തിൽ ആധിപത്യം നേടി.
സൂപ്പർ താരം അൽവാരോ വാസ്‌ക്വസിന്റെ ബൂട്ടിൽ നിന്ന് 82-ാം മിനിറ്റിൽ രണ്ടാമത്തെ ഗോളും പിറന്നതോടെ ബാസ്‌റ്റേഴ്‌സ് വിജയമുറപ്പിച്ചു. ഇൻജുറി ടൈമിന്റെ അവസാന മിനിറ്റിൽ മുഹമ്മദ് ഇർഷാദിലൂടെ നോർത്ത് ഈസ്റ്റ് ആശ്വാസഗോൾ നേടി.
Comments