തിരുവനന്തപുരം: സംസ്ഥാനത്ത് ഡയമണ്ട് വിലയിൽ വർദ്ധനവ്. 13 വർഷത്തിന് ശേഷമാണ് ഇത്തരത്തിൽ ഡയമണ്ട് വിലയിൽ വർദ്ധനവ് ഉണ്ടാകുന്നത്. 15,000 രൂപ മുതൽ 25,000 രൂപ വരെയാണ് വർദ്ധിച്ചത്. വിലവർദ്ധനവിനെ തുടർന്ന് നിർമ്മാതാക്കൾ ഡയമണ്ട് വിതരണം താത്കാലികമായി നിർത്തിവെച്ചു. ഇപ്പോൾ ഒരു ക്യാരറ്റിന് 15,000 മുതൽ 25, 000 രൂപ വരെയാണ് വിലവർദ്ധിച്ചിരിക്കുന്നത്.
ഇറക്കുമതി ചെയ്യുന്ന റഫ് ഡയമണ്ടിന്റെ വിലയിലുണ്ടായ വർദ്ധനവാണ് വില ഉയരാൻ കാരണം. പോളിഷ് ചെയ്ത ഡയമണ്ടിന് 2.5 ശതമാനം നികുതി കഴിഞ്ഞ ബജറ്റിൽ കുറച്ചിരുന്നു. സാധാരണ നിലിയിൽ റഫ് ഡയമണ്ട് ഇറക്കുമതി ചെയ്ത് ഇവിടെ തന്നെ പോളിഷ് ചെയ്യാറാണുള്ളത്. കൊറോണ പ്രതിസന്ധിയിൽ ഡയമണ്ട് സെന്ററുകളിൽ നിർമ്മാണം പകുതിയായതും വില വർദ്ധിക്കാൻ കാരണമായി.
വില ഇനിയും കൂടാൻ സാദ്ധ്യതയുള്ളതിനാൽ സംസ്ഥാനത്തെ ഡയമണ്ട് മൊത്ത വിതരണക്കാർ വിതരണം താത്കാലികമായി നിർത്തിവെച്ചു.
Comments