തളിപ്പറമ്പ്: ബിരിയാണി മാറി നൽകിയതിന് ഹോട്ടലിൽ സംഘർഷം. വെജ്ബിരിയാണിക്ക് പകരം ചിക്കൻ ബിരിയാണി നൽകിയതിനാണ് ഹോട്ടലിൽ സംഘർഷമുണ്ടായത്. പയ്യന്നൂർ മെയിൻ റോഡിലെ മൈത്രി ഹോട്ടലിൽ ഇന്നലെ ഉച്ചയോടെയാണ് സംഭവം നടന്നത്. അക്രമത്തിൽ മൂന്ന് പേർക്ക് പരിക്കേറ്റു.
ഹോട്ടൽ ആൻഡ് റസ്റ്റോറൻറ് പയ്യന്നൂർ യൂണിറ്റ് പ്രസിഡൻറ് കൂടിയായ ഹോട്ടലുടമ ഡി വി ബാലകൃഷ്ണൻ, ഭക്ഷണം കഴിക്കാനെത്തിയ സി പി ഷിമിത്ത്, എംഎസ് സനൂപ് എന്നിവർക്കാണ് പരിക്കേറ്റത്.
ഇന്നലെ ഹോട്ടലിലെത്തിയ ഒരാൾ വെജ്ബിരിയാണി ആവശ്യപ്പെട്ടു. എന്നാൽ കഴിക്കാനായി വിളമ്പുന്നതിനിടെയിലാണ് ചിക്കൻ ബിരിയാണി ആണെന്ന് ശ്രദ്ധയിൽപ്പെട്ടത്. വിവരം ഹോട്ടലുടമയുടെ ശ്രദ്ധയിൽപ്പെടുത്തിയതോടെ തർക്കമായി.
തുടർന്ന് തർക്കം ശ്രദ്ധയിൽപ്പെട്ട ഹോട്ടലിലുണ്ടായിരുന്ന രണ്ട് യുവാക്കൾ പ്രശ്‌നത്തിൽ ഇടപെടുകയായിരുന്നു. വിളമ്പിയ ചിക്കൻ ബിരിയാണി തങ്ങൾ എടുക്കാമെന്നും പകരം വെജ് ബിരിയാണി കൊടുക്കണമെന്നുമുള്ള യുവാക്കളുടെ സമവായ നിർദ്ദേശവും ഹോട്ടലുടമ പരിഗണിച്ചില്ലെന്നാണ് ആരോപണം.ഹോട്ടലുടമ യുവാക്കളോടും തട്ടിക്കയറി.
സംഘർഷം രൂക്ഷമായതോടെ പോലീസ് സ്ഥലത്തെുകയായിരുന്നു.തുടർന്ന് സിസിടിവി ദൃശ്യങ്ങൾ പരിശോധിച്ചപ്പോൾ, ഹോട്ടലുടമയുടെ ഭാഗത്താണ് വീഴ്‌ച്ച ഉണ്ടായതെന്ന് കണ്ടെത്തുകയായിരുന്നു.
Comments