ന്യൂഡൽഹി: പ്രധാനമന്ത്രി നരേന്ദ്രമോദി റഷ്യൻ പ്രസിഡന്റ് വ്‌ളാഡിമിർ പുടിനുമായും ചർച്ച നടത്തും. കേന്ദ്രസർക്കാരാണ് ഇക്കാര്യം അറിയിച്ചത്. യുക്രെയ്ൻ പ്രസിഡന്റ് വോളോഡിമിർ സെലൻസ്‌കിയുമായും പ്രധാനമന്ത്രി സംസാരിക്കുമെന്ന് കേന്ദ്രം നേരത്തെ അറിയിച്ചിരുന്നു. വെടിനിർത്തലും ഇന്ത്യക്കാരുടെ രക്ഷാദൗത്യവും ഇരുനേതാക്കളോടും ചർച്ച ചെയ്യുമെന്നാണ് വിവരം.
നേരത്തെ യുക്രെയ്‌നിൽ കുടുങ്ങിയ ഇന്ത്യൻ പൗരന്മാരെ ഒഴിപ്പിക്കാൻ ആവശ്യമായ എല്ലാ സഹായവും ചെയ്യുമെന്ന് റഷ്യ അറിയിച്ചിരുന്നു. പ്രധാനമന്ത്രി നരേന്ദ്രമോദിയുടെ ഇടപെടലിനെ തുടർന്നായിരുന്നു ഇത്. ഇത് മൂന്നാം തവണയാണ് വ്‌ളാഡിമിർ പുടിനുമായി പ്രധാനമന്ത്രി യുക്രെയ്ൻ വിഷയത്തിൽ ചർച്ച നടത്തുന്നത്. സുമിയിൽ എഴുന്നൂറോളം വിദ്യാർത്ഥികൾ കുടുങ്ങിക്കിടക്കുന്നതായാണ് വിവരം. ഇവരെ ഒഴിപ്പിക്കുന്നത് സംബന്ധിച്ചും ചർച്ചയാകും.
Comments