കൊച്ചി : കശ്മീർ പണ്ഡിറ്റുകളുടെ ദുരിതകഥ പറയുന്ന ദി കശ്മീർ ഫയൽസിന് പിന്തുണയുമായി നടൻ ഉണ്ണി മുകുന്ദൻ . ‘ തീർച്ചയായും കാണുക , ഫന്റാസ്റ്റിക് ചിത്രം കശ്മീർ ഫയൽസ് ബോളിവുഡിലെ താരങ്ങൾ അനുപം ഖേർ , മിഥുൻ ചക്രവർത്തി ‘ ഉണ്ണി മുകുന്ദൻ ഫേസ്ബുക്ക് പോസ്റ്റിൽ കുറിച്ചു. ഫേസ്ബുക്ക് പോസ്റ്റിൽ ഉണ്ണി മുകുന്ദനെ അഭിനന്ദിച്ച് നിരവധി കമന്റുകളും വന്നിട്ടുണ്ട്.
മലയാള സിനിമയിൽ നിന്ന് ഈ ചിത്രത്തിന് പിന്തുണ നൽകിയ നടന്മാർ കുറവാണെന്നും , ഉണ്ണി മുകുന്ദൻ നല്ല സിനിമക്ക് ഒപ്പം നിന്ന നല്ല കലാകാരനാണെന്നും സോഷ്യൽ മീഡിയ പറയുന്നു.
വിവേക് അഗ്നിഹോത്രി സംവിധാനം ചെയ്ത ഏറ്റവും പുതിയ ചിത്രമായ ‘ദി കശ്മീർ ഫയൽസ്’ കഴിഞ്ഞ ദിവസമാണ് തിയേറ്ററുകളിൽ എത്തിയത്. കശ്മീരി പണ്ഡിറ്റുകളുടെ പലായനമാണ് ചിത്രം പറയുന്നത്. യഥാർത്ഥ സംഭവങ്ങളെ അടിസ്ഥാനമാക്കിയാണ് ചിത്രം ഒരുക്കിയിരിക്കുന്നത്. ചിത്രത്തിൽ മിഥുൻ ചക്രവർത്തി, അനുപം ഖേർ, ദർശൻ കുമാർ, പല്ലവി ജോഷി, ചിന്മയി മാണ്ട്ലേകർ, പുനീത് ഇസ്സർ, പ്രകാശ് ബേലവാടി, അതുൽ ശ്രീവാസ്തവ, മൃണാൽ കുൽക്കർണി എന്നിവരാണ് പ്രധാന വേഷങ്ങളിൽ എത്തുന്നത്.
Comments