മഡ്ഗാവ്: ഐഎസ്എല്ലിൽ ബ്ലാസ്റ്റേഴ്സിന്റെ കലാശക്കളി കാണാനിരിക്കുന്ന മലയാളികൾക്ക് ഇരട്ടി ആവേശമായി മലയാളി താരം കെപി രാഹുൽ ടീമിൽ ഇടംപിടിച്ചു. അതേസമയം ആദ്യപാദ സെമിയിലെ ഗോൾനേട്ടത്തിലൂടെ ബ്ലാസ്റ്റേഴ്സിന്റെ കലാശപ്പോരാട്ടത്തിലേക്കുളള വഴി തുറന്ന മലയാളി താരം സഹൽ സമദ് കളിക്കില്ലെന്ന വാർ്ത്ത ബ്ലാസ്റ്റേഴ്സ് ആരാധകരിൽ കുറച്ച് നിരാശ പടർത്തുന്നുണ്ട്.
പരിക്കിൽ നിന്ന് മുക്തനായ അഡ്രിയാൻ ലൂണ തന്നെയാണ് ടീമിനെ നയിക്കുക. രണ്ടാം പാദ സെമിയിലും പരിക്കിനെ തുടർന്ന് വിട്ടുനിന്ന സഹൽ സമദ് കലാശക്കളിക്ക് ഇറങ്ങുമെന്ന പ്രതീക്ഷയിലായിരുന്നു ആരാധകർ. ഇന്നലെ രാവിലെയും വൈകിട്ടും താരം പരിശീനത്തിനിറങ്ങുകയും ചെയ്തിരുന്നു. ഹൈദരാബാദ് എഫ്‌സിയും രണ്ട് മാറ്റങ്ങളോടെയാണ് കളത്തിലിറങ്ങുന്നത്.
അടുത്ത കാലത്തൊന്നും കാണാത്ത വലിയ ഫുട്‌ബോൾ ആവേശമാണ് ഗോവയിൽ ബ്ല്ാസ്‌റ്റേഴ്‌സ് ആരാധകർ തീർക്കുന്നത്. രാവിലെ മുതൽ തന്നെ മത്സരം നടക്കുന്ന ഫറ്റോർഡ സ്‌റ്റേഡിയത്തിന്റെ പരിസരത്ത് ബ്ലാസ്റ്റേഴ്സ് ആരാധകർ ഒന്നൊന്നായി ഒഴുകിയെത്തുകയായിരുന്നു.
Comments