തിരുവനന്തപുരം: ന്യൂനമർദ്ദം അസാനി ചുഴലിക്കാറ്റായി മാറുന്നതോടെ കേരളത്തിലടക്കം ഒറ്റപ്പെട്ട മഴക്ക് സാധ്യത. ആൻഡമാൻ കടലിലാണ് അതിതീവ്രന്യൂനമർദ്ദം രൂപപ്പെട്ടിരിക്കുന്നത്. അതേസമയം അസാനി ചുഴലിക്കാറ്റ് മ്യാൻമർ തീരത്താകും കരയിൽ പ്രവേശിക്കുകയെന്നാണ് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. പ്രതീക്ഷിച്ചതിലും ദുർബലമായ ചുഴലിക്കാറ്റാകാനാണ് സാധ്യത.
പോർട്ട് ബ്ലെയറിൽ നിന്നും 100 കി.മീ അകലെയാണ് നിലവിൽ ന്യൂനമർദ്ദം സ്ഥിതി ചെയ്യുന്നത്. കേരളത്തിൽ അടുത്ത 4 ദിവസം ഒറ്റപ്പെട്ട മഴ പെയ്‌തേക്കാമെന്നും കാലാവസ്ഥാ വകുപ്പിന്റെ മുന്നറിയിപ്പുണ്ട്. കോഴിക്കോട്, പാലക്കാട്, മലപ്പുറം എന്നീ ജില്ലകളിൽ ഒറ്റപ്പെട്ടയിടങ്ങളിൽ ഇടിയോടുകൂടിയ മഴയ്‌ക്കാണ് സാധ്യത.
മണിക്കൂറിൽ 40 കിലോമീറ്റർ വരെ വേഗതയിൽ വീശിയടിച്ചേക്കാവുന്ന കാറ്റിനും സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു. വടക്കൻ കേരളത്തിൽ കൂടുതൽ മഴ പെയ്‌തേക്കാം. അസാനിയുടെ പ്രഭാവത്താൽ മറ്റന്നാൾ മുതൽ മഴ കുടൂതൽ ശക്തമാകുമെന്നാണ് പ്രതീക്ഷ.
Comments