മുംബൈ: ഐഎഎസ് ഉദ്യോഗസ്ഥ ടീന ഐഎഎസ് പുനർ വിവാഹിതയാകുന്നു.ടീന തന്നെയാണ് ഇക്കാര്യം സാമൂഹ്യമാദ്ധ്യമങ്ങളിലൂടെയാണ് വെളിപ്പെടുത്തിയത്.ഐഎഎസ് ഉദ്യോഗസ്ഥനായ പ്രദീപ് ഗവാന്തെയാണ് വരൻ. ‘എന്റെ പ്രതിശ്രുത വരൻ നൽകിയ ചിരിയാണ് ഞാൻ അണിഞ്ഞിരിക്കുന്നതെന്ന് വിവാഹവാർത്ത പുറത്ത് വിട്ടു കൊണ്ട് ടീന ദാബി കുറിച്ചു.ഏപ്രിൽ 22നാണ് ടീനയുടെയും പ്രദീപിന്റെയും വിവാഹം.
2018 ലായിരുന്നു ടീന ദാബിയുടെ ആദ്യ വിവാഹം. ഐഎഎസ് ഉദ്യോഗസ്ഥൻ അത്തർ ഖാനായിരുന്നു ടീനയുടെ ആദ്യ ഭർത്താവ്.ഐഎഎസ് ഒന്നാം റാങ്കുകാരിയായ ടീന, രണ്ടാം റാങ്കുകാരനായ അത്തർ ആമിർ ഖാനെ വിവാഹം ചെയ്തത്.ദേശീയമാദ്ധ്യമങ്ങളിൽ പ്രധാന വാർത്തയായിരുന്നു.
ഉപരാഷ്ട്രപതി വെങ്കയ്യ നായിഡു, കേന്ദ്ര മന്ത്രിമാർ, ലോക്സഭാ സ്പീക്കർ സുമിത്ര മഹാജൻ എന്നിവർ ചടങ്ങിനെത്തിയിരുന്നു.എന്നാൽ ആ ബന്ധം അധികകാലം നീണ്ടുനിന്നില്ല. അത്തർ ആമിർ ഖാനിൽ നിന്ന് ടീന വിവാഹ മോചനം നേടി.
2015 ബാച്ചിലെ ഐഎഎസ് ടോപ്പറായിരുന്നു ടീന ദാബി. ഡൽഹിയിലെ ലേഡി ശ്രീരാം കോളജിൽ നിന്ന് ബിരുദം നേടിയ ടീന ആദ്യ ശ്രമത്തിൽ തന്നെയാണ് ഐഎഎസ് പരീക്ഷയിൽ റാങ്ക് നേടിയത്. സിവിൽ സർവീസ് പരീക്ഷയിൽ ഉയർന്ന റാങ്ക് നേടുന്ന ആദ്യ ദളിത് വിദ്യാർത്ഥിയെന്ന പ്രത്യേകതയും ടീനയ്ക്കുണ്ടായിരുന്നു.
Comments