പ്രധാനമന്ത്രിയ്‌ക്ക് ഒറ്റക്കല്ലിൽ തീർത്ത നേതാജിയുടെ ശിൽപ്പം സമ്മാനിച്ച് അരുൺ യോഗിരാജ്: നന്ദി അറിയിച്ച് നരേന്ദ്രമോദി

ന്യൂഡൽഹി: പ്രധാനമന്ത്രി നരേന്ദ്രമോദിയുമായി കൂടിക്കാഴ്‌ച്ച നടത്തി ഒറ്റക്കല്ലിൽ നിന്ന് മനോഹരമായ ചിത്രങ്ങൾ തീർക്കുന്ന ശില്പി അരുൺ യോഗിരാജ്. മൈസൂർ സ്വദേശിയാണ് അരുൺ യോഗിരാജ്. നേതാജി സുഭാഷ് ചന്ദ്രബോസിന്റെ ഒറ്റക്കല്ല് ശിൽപ്പവും അദ്ദേഹം പ്രധാനമന്ത്രിയ്‌ക്ക് കൈമാറി.

മൈസൂർ കുടഗ് എംപി പ്രതാപ് സിംഹയുമായുള്ള കൂടിക്കാഴ്‌ച്ചയുടെ ഭാഗമായാണ് അരുൺ യോഗിരാജ് രണ്ടടിയുള്ള ഒറ്റക്കല്ല് ശിൽപ്പം പ്രധാനമന്ത്രിയ്‌ക്ക് നൽകിയത്. അരുൺ യോഗരാജിനെ കണ്ട വിവരം പ്രധാനമന്ത്രിയാണ് ട്വിറ്ററിലൂടെ പങ്കുവെച്ചത്.

Glad to have met @yogiraj_arun today. Grateful to him for sharing this exceptional sculpture of Netaji Bose. pic.twitter.com/DeWVdJ6XiU

— Narendra Modi (@narendramodi) April 5, 2022

‘ഇന്ന് അരുണിനെ കാണാൻ കഴിഞ്ഞതിൽ വളരെ സന്തോഷം. നേതാജി സുഭാഷ് ചന്ദ്രബോസിന്റെ ഈ അസാമാന്യ ശിൽപ്പം സമ്മാനിച്ചതിൽ നന്ദി അറിയിക്കുന്നു’ പ്രധാനമന്ത്രി ട്വിറ്ററിൽ കുറിച്ചു. പ്രധാനമന്ത്രിയ്‌ക്ക് നന്ദി അറിയിച്ച് അരുണും എത്തി. നിരവധി പേരാണ് അരുണിനെ പ്രശംസിച്ച് എത്തിയിരിക്കുന്നത്.

Got the opportunity to present 2ft monolithic stone model of Subhas Chandra Bose to @narendramodi Ji thanks our dynamic MP @mepratap sir 🙏🏾🙏🏾 pic.twitter.com/Cz7sPh19XZ

— Arun Yogiraj (@yogiraj_arun) April 5, 2022