തിരുവനന്തപുരം: കെഎസ്ആർടിസിയ്‌ക്ക് വിപണി വിലയ്ക്ക് ഡീസൽ നൽകണമെന്ന സിംഗിൽ ബെഞ്ച് ഉത്തരവ് റദ്ദാക്കണമെന്നാവശ്യപ്പെട്ട് എണ്ണക്കമ്പനികൾ ഹൈക്കോടതിയിൽ അപ്പീൽ നൽകി. ഡിവിഷൻ ബെഞ്ച് നാളെ ഹർജി പരിഗണിക്കും. ഇന്ത്യൻ ഓയിൽ കോർപ്പറേഷൻ, ബിപിസിഎൽ എന്നീ കമ്പനികളാണ് അപ്പീൽ നൽകിയത്.
കെഎസ്ആർടിസിയുടെ ഹർജിയിലാണ് സിംഗിൾ ബെഞ്ച് റീട്ടെയിൽ വിലയ്ക്ക് ഡീസൽ നൽകാൻ ഇടക്കാല ഉത്തരവിട്ടത്. എന്നാൽ, കെഎസ്ആർടിസിയുടെ ഹർജി നിയമപരമായി നിലനിൽക്കില്ലെന്ന് എണ്ണക്കമ്പനികൾ ചൂണ്ടിക്കാട്ടി.
റീട്ടെയിൽ കമ്പനികൾക്ക് നൽകുന്ന വിലയേക്കാൾ മുപ്പത് രൂപയോളം അധിക വിലയാണ് ഒരു ലിറ്റർ ഡീസലിന് പൊതുമേഖലാ എണ്ണക്കമ്പനികൾ കെഎസ്ആർടിസിയിൽ നിന്നും ഈടാക്കിയിരുന്നത്. ഈ വില നിർണയം വിവേചനപരമാണെന്നും, ഇത് പൊതുതാത്പര്യത്തിനെതിരാണെന്നും ആരോപിച്ച് കെഎസ്ആർടിസി നൽകിയ ഹർജിയിൽ ഹൈക്കോടതി നേരത്തെ ഉത്തരവിറക്കിയിരുന്നു.
Comments