400 രൂപയുടെ നാണയം പുറത്തിറക്കി; കൂടെ പോസ്‌റ്റേജ് സ്റ്റാമ്പും; ചെങ്കോട്ടയിൽ രാജ്യത്തെ അഭിസംബോധന ചെയ്ത് പ്രധാനമന്ത്രി

ന്യൂഡൽഹി: 400-ാമത് പ്രകാശ് പൂരബ് ആഘോഷങ്ങളുടെ വേളയിൽ പോസ്‌റ്റേജ് സ്റ്റാമ്പും നാണയവും പുറത്തിറക്കി. ചെങ്കോട്ടയിൽ നടന്ന ചടങ്ങിൽ പ്രധാനമന്ത്രി നരേന്ദ്രമോദിയാണ് സ്റ്റാമ്പും നാണയവും പുറത്തിറക്കിയത്

Prime Minister Narendra Modi releases a commemorative coin and postage stamp on the occasion of the 400th Parkash Purab celebrations at Red Fort, Delhi. pic.twitter.com/voE4KWRO5Q

— ANI (@ANI) April 21, 2022

ഒമ്പതാമത്തെ സിഖ് ഗുരുവായ ഗുരു തേജ് ബഹദൂറിന്റെ 400-ാമത് ജന്മവാർഷികത്തിന്റെ സ്മരണാർത്ഥമാണ് 400 രൂപയുടെ നാണയം പുറത്തിറക്കിയത്. ആസാദി കാ അമൃത് മഹോത്സവത്തിന്റെ ഭാഗമായിട്ടായിരുന്നു സിഖ് ഗുരു തേജ് ബഹദൂറിന്റെ 400-ാം ജന്മദിനം ചെങ്കോട്ടയിൽ ആഘോഷിച്ചത്.

ഉദ്ഘാടനത്തിന് ശേഷം ചെങ്കോട്ടയിലെത്തിയ ജനസദസിന് മുമ്പിൽ പ്രധാനമന്ത്രി നരേന്ദ്രമോദി രാജ്യത്തെ അഭിസംബോധന ചെയ്തു. ഗുരുവിന്റെ ആദർശങ്ങളാലാണ് നമ്മുടെ രാജ്യം മുന്നോട്ടു പോകുന്നത്. ഈ പുണ്യ അവസരത്തിൽ പത്ത് ഗുരുക്കന്മാരുടെയും പാദങ്ങളിൽ താൻ വണങ്ങുന്നു. എല്ലാവർക്കും പ്രകാശ് പർവ്വ് ആശംസകൾ നേരുകയാണെന്നും പ്രധാനമന്ത്രി പറഞ്ഞു.

സൂര്യാസ്തമയത്തിന് ശേഷം ചെങ്കോട്ടയിൽ നിന്ന് ആദ്യമായാണ് ഇന്ത്യയുടെ ഒരു പ്രധാനമന്ത്രി രാജ്യത്തെ അഭിസംബോധന ചെയ്യുന്നത്. അതീവ സുരക്ഷാ സന്നാഹത്തോടെയാണ് ചെങ്കോട്ടയിലെത്തിയ പ്രധാനമന്ത്രി രാജ്യത്തോട് സംവദിച്ചത്.