ന്യൂഡൽഹി: ദ്വിദിന സന്ദർശനത്തിനായി യൂറോപ്യൻ കമ്മീഷൻ പ്രസിഡന്റ് ഉർസുല വോൺ ഡെർ ലെയ്ൻ ഇന്ത്യയിലെത്തി. നാളെ പ്രധാനമന്ത്രി നരേന്ദ്ര മോദിയുമായും, വിദേശകാര്യമന്ത്രി എസ് ജയശങ്കറുമായി ഉർസുല കൂടിക്കാഴ്ച നടത്തും. നാളെ നടക്കുന്ന റെയ്സിന ഡയലോഗിന്റെ മുഖ്യാതിഥിയായിരിക്കും അവർ. രാഷ്ട്രപതി രാംനാഥ് കോവിന്ദുമായും മറ്റ് പ്രമുഖരുമായും അവർ കൂടിക്കാഴ്ച നടത്തും.
ഇന്ത്യയും യൂറോപ്യൻ യൂണിയനും തമ്മിൽ ഊർജ്ജസ്വലവും തന്ത്രപരവുമായ ബന്ധമാണ് നിലനിൽക്കുന്നത്. രാഷ്ട്രീയ, വ്യാപാര, വാണിജ്യമേഖലയിലും കാലാവസ്ഥ,സുസ്ഥിരത,ഡിജിറ്റൽ സാങ്കേതിക വശങ്ങൾ, ജനങ്ങൾ തമ്മിലുള്ള ബന്ധങ്ങൾ എന്നിവയിൽ വിശാലവും ആഴത്തിലുള്ളതുമായ ബന്ധമാണ് നിലനിൽക്കുന്നത്. യൂറോപ്യൻ കമ്മീഷൻ പ്രസിഡന്റിന്റെ സന്ദർശനം യൂറോപ്യൻ യൂണിയനുമായുള്ള ബഹുമുഖ പങ്കാളിത്തം കൂടുതൽ ശക്തിപ്പെടുത്താനുള്ള അവസരമായിരിക്കും എന്നാണ് റിപ്പോർട്ട്.
Comments