പാലക്കാട്: പെൺകുട്ടിയെ വീട്ടിലേക്ക് വിളിച്ചു വരുത്തി യുവാവ് തീ കൊളുത്തി. പാലക്കാട് കൊല്ലങ്കോട്ടാണ് സംഭവം. കൊല്ലങ്കോട് കിഴക്കേഗ്രാമം സ്വദേശികളായ ധന്യ(16), ബാലസുബ്രഹ്മണ്യം (23) എന്നിവർക്കാണ് പൊള്ളലേറ്റത്. ഇന്ന് രാവിലെയായിരുന്നു സംഭവം.
പ്രണയനൈരാശ്യമാണ് ആക്രമണത്തിന് കാരണമെന്നാണ് സൂചന. 80 ശതമാനത്തിലേറെ പൊള്ളലേറ്റ ഇരുവരെയും സ്വകാര്യ ആശുപത്രിയിലേക്ക് മാറ്റി
തന്റെ ജന്മദിനമാണെന്ന് പറഞ്ഞാണ് ബാലുസുബ്രഹ്മണ്യം ധന്യയെ വീട്ടിലേക്ക് വിളിച്ചു വരുത്തിയത്. തുടർന്ന് യുവതിയെ തീ കൊളുത്തുകയായിരുന്നു. സംഭവസമയത്ത് ബാലസുബ്രഹ്മണ്യത്തിന്റെ മാതാവ് വീട്ടിൽ ഉണ്ടായിരുന്നുവെന്നാണ് വിവരം. ബാലസുബ്രഹ്മണ്യത്തിന്റെ മുറിക്കുള്ളിൽ നിന്നും പുക ഉയരുന്നത് കണ്ടതോടെ അമ്മ നാട്ടുകാരെ വിളിച്ചു കൂട്ടുകയും മുറി തല്ലി തകർത്ത് ഇരുവരേയും രക്ഷപ്പെടുത്തുകയുമായിരുന്നു.
Comments