‘ഒടിയന്’ ബോളിവുഡിൽ വൻ വരവേൽപ്പ് ; പത്ത് ദിവസം കൊണ്ട് കണ്ടത് 62ലക്ഷം പേര്‍

മലയാളത്തിലെ സൂപ്പര്‍ ഹിറ്റ് ചിത്രം മോഹൻലാലിന്റെ ‘ഒടിയന്’ ബോളിവുഡിൽ വൻ വരവേൽപ്പ് . ചിത്രം ഇറങ്ങി പത്ത് ദിവസം പിന്നിടുമ്പോൾ ഇതുവരെ 62 ലക്ഷം പേരാണ് കണ്ടു കഴിഞ്ഞത്. ‘ആര്‍ആര്‍ആര്‍’ സിനിമയുടെ ഹിന്ദി വിതരണാവകാശം ഏറ്റെടുത്ത പെന്‍ മൂവിസാണ് ‘ഒടിയന്‍’ ഹിന്ദി പതിപ്പിന്റെ വിതരണാവകാശവും നേടിയിരിക്കുന്നത്

മികച്ച സ്വീകാര്യതയാണ് ‘ഒടിയൻ ചിത്രത്തിന്റെ ഹിന്ദിക്കും ലഭിക്കുന്നത്. ഏപ്രില്‍ 23 നാണ് ചിത്രം റിലീസ് ചെയ്‍തത്.നൂറ് കോടി ക്ലബിലെത്തിയ ചിത്രമാണ് വി എ ശ്രീകുമാര്‍ മേനോന്റെ ‘ഒടിയൻ’. കേരളത്തില്‍ റിലീസ് ദിവസം ഏറ്റവും കളക്ഷൻ നേടുന്ന രണ്ടാമത്തെ ചിത്രവുമാണ് ‘ഒടിയൻ’.

ചിത്രത്തിന്റെ അവകാശം പെന്‍ സിനിമാസ് ഏറ്റെടുത്തതില്‍ വളരെ സന്തോഷമുണ്ടെന്നും സിനിമയുടെ ക്രിയാത്മകതക്ക് കോട്ടം തട്ടാതെ അത് അവതരിപ്പിക്കാന്‍ അവര്‍ക്ക് സാധിക്കട്ടെയെന്നും ചിത്രത്തിന്റെ സംവിധായകന്‍ വി.എ ശ്രീകുമാര്‍ പറഞ്ഞു.