തൃശൂരിൽ അറവ്ശാലയിലെ പോത്തിറച്ചിയിൽ പുഴുക്കൾ; കട അടപ്പിച്ചു

തൃശൂർ: തൃശൂരിലെ അറവ്ശാലയിൽ വിൽപ്പന നടത്തിയ മാംസത്തിൽ പുഴുക്കൾ. പന്നിത്തടത്ത് പ്രവർത്തിയ്‌ക്കുന്ന അറവ്ശാലയിലെ പോത്തിറച്ചിയിലാണ് പുഴുക്കൾ കണ്ടെത്തിയത്. ഇവിടെ നിന്ന് മാംസം വാങ്ങിയ ആൾ പോലീസിൽ പരാതി നൽകിയതോടെയാണ് സംഭവം പുറത്തറിഞ്ഞത്. തുടർന്ന് ഭക്ഷ്യസുരക്ഷാ വിഭാഗവും പോലീസും സംയുക്തമായി പരിശോധന നടത്തുകയായിരുന്നു.

പഴകിയ പത്ത് കിലോ പോത്തിറച്ചി ഇവിടെ നിന്ന് പിടികൂടി.ഇറച്ചി പൂർണമായി നശിപ്പിച്ച ഭക്ഷ്യസുരക്ഷാവിഭാഗം സാമ്പിൾ ശേഖരിച്ച് പരിശോധനയ്‌ക്കായി അയച്ചു.ഇനിയൊരറിയിപ്പുണ്ടാകുന്നത് വരെ അറവ് ശാലയോ കടയോ തുറക്കുകയോ വിൽപ്പന നടത്തുകയോ ചെയ്യരുതെന്ന് പോലീസ് നിർദ്ദേശിച്ചു.