ചികിത്സയുമായി നല്ല രീതിയിൽ പ്രതികരിക്കുന്നുണ്ട്; അഡ്വ ശങ്കു ടി ദാസിന്റെ ആരോഗ്യ സ്ഥിതി സംബന്ധിച്ച മെഡിക്കൽ ബുള്ളറ്റിൻ

കോഴിക്കോട്: വാഹനാപകടത്തെ തുടർന്ന് ​ഗുരുതരാവസ്ഥയിൽ കഴിയുന്ന സാമൂഹിക പ്രവര്‍ത്തകന്‍ അഡ്വ ശങ്കു ടി ദാസിന്റെ ആരോഗ്യ സ്ഥിതി സംബന്ധിച്ച നിലവിലെ വിവരങ്ങൾ വ്യക്തമാക്കി മെഡിക്കൽ ബുള്ളറ്റിൻ പുറത്തുവിട്ടു. ചികിത്സയുമായി നല്ല രീതിയിൽ പ്രതികരിക്കുന്നുണ്ടെന്ന് ഡോക്ടർമാർ പറയുന്നു. നിലവിൽ ഐസിയുവിൽ പ്രവേശിപ്പിച്ചിരിക്കുന്ന ശങ്കു ടി ദാസിന്റെ ബിപി നിയന്ത്രണ വിധേയമാക്കാൻ പരിശ്രമം ശക്തമായി തുടരുകയാണ്. ഓക്സിജൻ നില തടസ്സമില്ലാതെ കൊണ്ടുപോകുവാനായി വെൻ്റിലേറ്റർ സപ്പോർട്ടും നൽകിയിരിക്കുകയാണെന്ന് മെഡിക്കൽ ബുള്ളറ്റിനിൽ പറയുന്നു.

റീനൽ റിപ്ലേസ്മെന്റ് തെറാപ്പിയും തുടരുന്നുണ്ട്. നിലവിൽ ചികിത്സയുമായി ശങ്കു ടി ദാസ് പ്രതികരിക്കുന്നുണ്ടെന്ന് ഡോക്ടർമാർ വ്യക്തമാക്കുന്നു. ശ്വാസകോശ സംബന്ധമായ പ്രശ്നങ്ങൾ തരണം ചെയ്യേണ്ടതുണ്ട്. അതിനായി ഒക്സിജൻ സ്വീകരിക്കാൻ തടസ്സമില്ലാതെ മുന്നോട്ട് പോകാൻ അദ്ദേഹത്തെ എക്മോയിൽ പ്രവേശിപ്പിച്ചിരിക്കുകയാണെന്നും മെഡിക്കൽ ബുള്ളറ്റിനിൽ വ്യക്തമാക്കുന്നു. ശങ്കു ടി ദാസിന്റെ ആരോഗ്യ സ്ഥിതി സംബന്ധിച്ചുള്ള രണ്ടാമത്തെ മെഡിക്കൽ ബുള്ളറ്റിൻ വൈകിട്ടോടെയാണ് പുറത്തു വിട്ടത്.