ന്യൂഡല്‍ഹി: ഇന്ത്യയും യുകെയും തമ്മിലുളള സ്വതന്ത്ര വ്യാപാര കരാറിനായുള്ള അഞ്ചാം റൗണ്ട് ചര്‍ച്ചകള്‍ ജൂലൈയില്‍ ന്യൂഡല്‍ഹിയില്‍ നടത്തും. ചര്‍ച്ചകള്‍ ഒക്ടോബറില്‍ പൂര്‍ത്തിയാക്കും. നാലാമത് സ്വതന്ത്ര വ്യാപര കരാര്‍ ജൂണ്‍ 24 ന് നടന്നിരുന്നു. നാലാം റൗണ്ട് ചര്‍ച്ചകള്‍ക്കിടയില്‍ കരട് ഉടമ്പടിയുടെ ഭൂരിഭാഗം അധ്യായങ്ങളും അവതരിപ്പിച്ചതായി അറിയിച്ചു. ഇരു രാജ്യങ്ങളിലെയും സാങ്കേതിക വിദഗ്ദര്‍ 20 പോളിസി മേഖലയിലായി 71 പ്രത്യേക ചര്‍ച്ചകള്‍ നടത്തി. നാലാം റൗണ്ട് ചര്‍ച്ചയില്‍ ഭൂരിഭാഗം ഉദ്യോഗസ്ഥരും വെര്‍ച്വല്‍ ആയിട്ടാണ് പങ്കെടുത്തത്.
ഏപ്രിലില്‍ നടന്ന ചര്‍ച്ചയില്‍ പ്രധാനമന്ത്രി മോദിയും ബോറിസ് ജോണ്‍സണും സംതുലിതമായ സ്വതന്ത്ര വ്യാപാര കരാറിനായി വേണ്ട ചര്‍ച്ചകളാണ് നടത്തിയത്.ചര്‍ച്ചകള്‍ ഒക്ടോബറില്‍ പൂര്‍ത്തിയാക്കണമെന്നും തീരുമാനിച്ചിരുന്നു. കോണ്‍ഫെഡറേഷന്‍ ഓഫ് ഇന്ത്യന്‍ ഇന്‍ഡസ്ട്രീ (സിഐഐ), യുകെ യുടെ കോണ്‍ഫെഡറേഷന്‍ ഓഫ് ബ്രിട്ടീഷ് ഇന്‍ഡസ്ട്രീ (സിബിഐ) എന്നിവ സംയുക്തമായി യുകെ-ഇന്ത്യ വ്യാപാര കമ്മീഷനെ നിയമിച്ചിരുന്നു. വ്യാപാരത്തെ മെച്ചപ്പെടുത്തുക എന്ന ലക്ഷ്യത്തോടെയാണ് ഇത് പ്രവര്‍ത്തിക്കുന്നത്.
എഫ്ടിഎയുടെ കീഴില്‍ ഇന്ത്യ മാലിന്യമുക്ത ഊര്‍ജ്ജത്തിലേക്ക് മാറുന്നത് യുകെയുടെ നവീകരണ മേഖല വളരെ പ്രതീക്ഷയോടെയാണ് കാണുന്നത്. 2030 ഓടെ കാര്‍ബണ്‍ രഹിത ഇന്ത്യ യാഥാര്‍ത്ഥ്യമാക്കാനുള്ള ലക്ഷ്യത്തിലാണ് രാജ്യം. കഴിഞ്ഞ കുറച്ച് മാസങ്ങളായി ഇന്ത്യ യുഎഇ, ഓസ്‌ട്രേലിയ തുടങ്ങിയ രാജ്യങ്ങളുമായി വ്യാപാര ചര്‍ച്ചകള്‍ സംഘടിപ്പിച്ചിരുന്നു.
Comments