കനത്ത വരള്‍ച്ച; ഇറ്റലിയിലെ നീളം കൂടിയ നദി ചുരുങ്ങുന്നു

റോം: ഇറ്റലിയിലെ ഏറ്റവും നീളം കൂടിയ നദിയായ പോ നദി വരള്‍ച്ച കാരണം ചുരുങ്ങുന്നതായി റിപ്പോര്‍ട്ടുകള്‍. യൂറോപ്യന്‍ സ്‌പെയ്‌സ് ഏജന്‍സി ആണ് ആകാശ ചിത്രങ്ങള്‍ പുറത്തുവിട്ടത്. 2020 ജൂണിലേയും 2022 ജൂണിലേയും ചിത്രങ്ങള്‍ ആനിമേഷന്‍ രൂപത്തില്‍ അവതരിപ്പിച്ച് നദി എത്രമാത്രം ചുരുങ്ങിയെന്ന് വ്യക്തമാക്കുന്നു.

മഴയുടെ അളവിലുള്ള കുറവിന് പുറമേ ഉയരുന്ന താപനിലയും ചെറിയ അളവിലുള്ള ഹിമപാതവും ജലദൗര്‍ലഭ്യത്തിന് കാരണമാണ്. 652 കിലോമീറ്റര്‍ നീളമുള്ള പോ ഏറ്റവും വലിയ നദിയും ശുദ്ധജലത്താടകമാണ്.71,000 ചതുരശ്ര കിലോമീറ്ററില്‍ വ്യാപിച്ച് കിടക്കുന്ന നദിയെ ഭൂരിഭാഗം കര്‍ഷകരും കൃഷിക്കായി ആശ്രയിക്കുന്നു. വെള്ളം വറ്റിയതോടെ കര്‍ഷകരും പ്രതിസന്ധിയിലാണ്.

തുടര്‍ച്ചയായി 110 ദിവസത്തോളം ചിലയിടങ്ങളില്‍ മഴ ലഭിച്ചില്ലെന്ന് റിപ്പോര്‍ട്ടുകളില്‍ പറയുന്നു. 70 വര്‍ഷത്തിനിടയിലെ കടുത്ത വരള്‍ച്ചയാണ് 2020 ജൂണ്‍- 2022 ജൂണ്‍ കാലഘട്ടത്തില്‍ റിപ്പോര്‍ട്ട് ചെയ്തത്. ചെളിവെള്ളം നിറഞ്ഞിരുന്ന നദി ഇപ്പോള്‍ വറ്റി വരണ്ട് തരിശുഭൂമി ആയി മാറി. ജലക്ഷാമം മൂലം പോ താഴ്‌വരയിലെ പല മുന്‍സിപാലിറ്റികളിലും കൃഷി നനയ്‌ക്കാനായി വെള്ളം എത്തിക്കുന്നുണ്ട്.