പസിലുകൾ ചെയ്യാൻ എല്ലാവർക്കും ഏറെ ഇഷ്ടമാണ്. ചോദ്യത്തിന്റെ ഉത്തരം കണ്ടുപിടിക്കാൻ എത്ര സമയം വേണമെങ്കിലും ചെലവഴിക്കാനും നമ്മൾ തയ്യാറായിരിക്കും. ഒരു ചിത്രമാണ് ഇത്തവണ നമ്മളെ കുഴപ്പിക്കാനായി എത്തിയിരിക്കുന്നത്. ഒരു കൂട്ടം ആമകളുടെ ചിത്രമാണിത്. ഇതിൽ ഒളിഞ്ഞിരിക്കുന്ന പാമ്പിനെ കണ്ടെത്തുക എന്നതാണ് ലക്ഷ്യം. അത് വളരെ എളുപ്പമല്ലേ എന്നാകും ഇപ്പോൾ നിങ്ങൾ ചിന്തിക്കുന്നത്.
എന്നാൽ അത് അത്ര എളുപ്പമല്ല. കാരണം 15 സെക്കന്റിനുള്ളിലാണ് ചിത്രത്തിലെ ആമയെ കണ്ടെത്തേണ്ടത്. ഹംഗേറിയൻ കാർട്ടൂണിസ്റ്റായ ഗെർജെലി ഡുഡാസ് ആണ് ഈ ചിത്രം തയ്യാറാക്കിയിരിക്കുന്നത്. തവിട്ട്, പച്ച നിറങ്ങളാണ് ചിത്രത്തിൽ കൂടുതലായി ഉപയോഗിച്ചിരിക്കുന്നത്. ചിത്രത്തിലെ ആമകളുടെ തലകൾക്കിടയിൽ നിന്നും പാമ്പുകളെ കണ്ടെത്തുന്നതും അത്ര എളുപ്പമുള്ള കാര്യമല്ല.
എന്നാൽ വളരെ സൂക്ഷ്മതയോടെ നോക്കുമ്പോൾ ഒരെണ്ണത്തിന്റെ വായിൽ നിന്നും നാക്ക് നീണ്ടിരിക്കുന്നത് കാണാം. ഇതാണ് മറഞ്ഞിരിക്കുന്ന പാമ്പിനെ കണ്ടെത്താനുള്ള എളുപ്പവഴി. പതിനഞ്ച് സെക്കന്റിനുള്ളിൽ പാമ്പിനെ കണ്ടെത്തിയാൽ നിങ്ങൾ ഒരു റെക്കോർഡ് ഹോൾഡർ ആയിരിക്കുമെന്നാണ് ഗെർജെലി പറയുന്നത്.
Comments