സമ്പാദ്യത്തിലൊരു വലിയൊരു പങ്ക് സമൂഹത്തിന് ദാനം ചെയ്യുകയാണെന്ന് പ്രഖ്യാപിച്ച് ശതകോടീശ്വരനും ലോക സമ്പന്നരിൽ നാലാമനുമായ ബിൽ ഗേറ്റ്‌സ്. മൈക്രോസോഫ്റ്റിന്റെ സഹസ്ഥാപകനായ ബിൽ ഗേറ്റ്‌സ് തന്റെ സമ്പാദ്യത്തിലെ വലിയൊരു പങ്കും സമൂഹനന്മയ്‌ക്കായി ദാനം ചെയ്യുന്നതോടെ സമ്പന്നരുടെ പട്ടികയിൽ നിന്നും അദ്ദേഹം താഴേയ്‌ക്ക് പോകുമെന്നാണ് റിപ്പോർട്ട്.
സമ്പാദ്യത്തിലെ 20 ബില്യൺ ഡോളർ തുകയാണ് അദ്ദേഹം ജീവകാരുണ്യ ഫണ്ടിലേക്ക് ദാനം ചെയ്യുമെന്ന് പ്രഖ്യാപിച്ചിരിക്കുന്നത്. ഇത് തന്റെ കർത്തവ്യമാണെന്നും ബിൽ ഗേറ്റ്‌സ് പറയുന്നു.
Although the foundation bears our names, basically half our resources have come from Warren Buffett. His incredible generosity is a huge reason why the foundation has been able to be so ambitious. I can never adequately express how much I appreciate his friendship and guidance. pic.twitter.com/at7MvJKxQv
— Bill Gates (@BillGates) July 13, 2022
നേരത്തേയും ഇത്തരത്തിൽ സമ്പത്തിന്റെ വലിയൊരു പങ്ക് അദ്ദേഹം ജീവകാരുണ്യ പ്രവർത്തനങ്ങൾക്കായി ദാനം നൽകിയിട്ടുണ്ട്. 2010-ലായിരുന്നു അത് ചെയ്തത്. എന്നാൽ ഇന്ന് അദ്ദേഹത്തിന്റെ സമ്പാദ്യം വീണ്ടും പഴയതിനേക്കാൾ ഇരട്ടിയിലധികമായി വർധിച്ചു.
ഫോർബ്‌സ് മാഗസീൻ പുറത്തുവിടുന്ന കണക്കുകൾ പ്രകാരം 118 ബില്യൺ ഡോളറാണ് ബിൽഗേറ്റ്‌സിന്റെ സമ്പാദ്യം. എന്നാൽ ഇതിൽ നിന്നും 20 ബില്യൺ ഡോളർ ദാനം ചെയ്യുന്നതോടെ അദ്ദേഹത്തിന്റെ സമ്പത്തിൽ വലിയ ഇടിവ് സംഭവിക്കുമെന്നാണ് വിലയിരുത്തൽ. മുൻ ഭാര്യ 2000ത്തിൽ സ്ഥാപിച്ച ജീവകാരുണ്യ സ്ഥാപനമായ ബിൽ ആൻഡ് മെലിൻഡ ഗേറ്റ്‌സ് ഫൗണ്ടേഷനിലേക്കാണ് അദ്ദേഹം തന്റെ സ്വത്തുക്കൾ ദാനം ചെയ്യുന്നത്.
വരും ദിനങ്ങളിൽ തന്റെ സമ്പത്ത് പൂർണമായും ഇത്തരത്തിൽ ദാനം ചെയ്യുമെന്നും ബിൽ ഗേറ്റ്‌സ് വ്യക്തമാക്കി. ഇതോടെ ലോകസമ്പന്നരുടെ പട്ടികയിൽ നിന്നും താൻ ആത്യന്തികമായി പുറത്താക്കപ്പെടുമെന്നും അദ്ദേഹം കൂട്ടിച്ചേർത്തു.
Comments