കണ്ണൂർ: കേരളത്തിനെ അപേക്ഷിച്ച് ഇന്ധന നികുതി കുറവുള്ള മാഹിയിൽ നിന്നും അനധികൃതമായി കടത്താൻ ശ്രമിച്ച ഡീസലുമായി മൂന്ന് പേർ പിടിയിലായി. കോടിയേരിയിൽ നിന്നും തലശ്ശേരി എസ് പിയുടെ നേതൃത്വത്തിലുള്ള പോലീസ് സംഘമാണ് പ്രതികളെ പിടികൂടിയത്. ഇവരിൽ നിന്നും പന്ത്രണ്ടായിരം ലിറ്റർ ഡീസലാണ് പിടിച്ചെടുത്തത്.
തിരുവനന്തപുരം ആറ്റിങ്ങൽ സ്വദേശി വിഷ്ണു ലാൽ, പയ്യാവൂർ സ്വദേശി ആൽവിൻ, എറണാകുളം മുനമ്പം സ്വദേശി ഫ്രോലിൻ ജോസഫ് എന്നിവരാണ് പിടിയിലായത്. മാഹിയിലെ പള്ളൂർ, പന്തക്കൽ എന്നിവിടങ്ങളിൽ നിന്നും ഡീസൽ കടത്തുന്നതായി വിവരം ലഭിച്ചതിനെ തുടർന്ന് പോലീസ് നടത്തിയ പരിശോധനയിലാണ് പ്രതികൾ പിടിയിലായത്.
മാഹിയിൽ നിന്നും എറണാകുളത്ത് എത്തിച്ച് മറിച്ച് വിൽക്കാൻ കൊണ്ടു വന്നതാണ് ഡീസൽ എന്ന് പോലീസിന് വിവരം ലഭിച്ചു. കഴിഞ്ഞ ചൊവ്വാഴ്ച സമാനമായ രീതിയിൽ കടത്താൻ ശ്രമിച്ച പന്ത്രണ്ടായിരം ലിറ്റർ ഡീസൽ ചൊക്ലിയിൽ നിന്നും പിടികൂടിയിരുന്നു. കോയമ്പത്തൂരിലേക്ക് കടത്താൻ ശ്രമിച്ച ഡീസലാണ് അന്ന് പിടികൂടിയത്.
Comments