ന്യൂഡൽഹി: ഒളിമ്പ്യൻ പി.ടി.ഉഷ ഇന്ന് രാജ്യസഭാംഗമായി സത്യപ്രതിജ്ഞ ചെയ്യും. പി.ടി.ഉഷ ഉൾപ്പെടെ നാല് പേരെയാണ് രാഷ്‌ട്രപതി രാജ്യസഭയിലേക്ക് നാമനിർദ്ദേശം ചെയ്തത്. ബിജെപി ദേശീയ അധ്യക്ഷൻ ജെ.പി.നദ്ദയുമായി പി.ടി.ഉഷ ഇന്നലെ കൂടിക്കാഴ്ച നടത്തിയിരുന്നു. ഇന്നലെ പാർലമെന്റിൽ എത്തിയ പി.ടി.ഉഷ നടപടിക്രമങ്ങൾ എല്ലാം പൂർത്തിയാക്കിക്കഴിഞ്ഞു. ഇന്ന് രാവിലെ 11 മണിക്കാണ് രാജ്യസഭാംഗമായി സത്യപ്രതിജ്ഞ ചെയ്യുന്നത്.
ഇന്നലെ ഡൽഹി രാജ്യാന്തര വിമാനത്താവളത്തിൽ എത്തിയ പി.ടി.ഉഷയെ ബിജെപി എംപി മനോജ് തിവാരി അടക്കമുള്ളവർ എത്തിയാണ് സ്വീകരിച്ചത്. പി.ടി.ഉഷയ്‌ക്ക് പുറമെ സംഗീത സംവിധായകൻ ഇളയരാജ, വീരേന്ദ്ര ഹെഡ്ഡെ, സംവിധായകൻ വിജയേന്ദ്ര പ്രസാദ ഗുരു എന്നിവരെയാണ് രാജ്യസഭയിലേക്ക് നാമനിർദ്ദേശം ചെയ്തിരിക്കുന്നത്.
