ഡൽഹി :ആഗോള വിപണികൾ കടുത്ത സാമ്പത്തിക പ്രതിസന്ധി നേരിടുമ്പോഴും ഇന്ത്യൻ സമ്പത് വ്യവസ്ഥ കൂടുതൽ മെച്ചപ്പെട്ട നിലയിലാണെന്ന് ആർബിഐ ഗവർണർ ശക്തികാന്ത ദാസ് പറഞ്ഞു . ബാങ്ക് ഓഫ് ബറോഡയുടെ വാർഷിക ബാങ്കിംഗ് കോൺ‌ക്ലേവ് 2022 ൽ സംസാരിക്കുന്നതിനിടയിലാണ് അദ്ദേഹം ഈ പ്രസ്താവന നടത്തിയത് . ലോകത്ത് വികസിതവും , വളർന്നുവരുന്ന സാമ്പത്തിക വിപണിയിലെ സമപ്രായക്കാരുമായി താരതമ്യപ്പെടുത്തുമ്പോൾ ഇന്ത്യൻ രൂപയുടെ മൂല്യം പിന്നോട്ട് പോകാതെ മികച്ച രീതിയിൽ തന്നെ ഉയർന്ന് നിൽക്കുന്നുണ്ടെന്ന് അദ്ദേഹം പറഞ്ഞു.
രൂപയുടെ മൂല്യം പിടിച്ചു നിർത്താൻ ആർബിഐ കൂടുതൽ കരുതൽ നടപടികളാണ് കൈക്കൊള്ളുന്നത് . ആഗോളതലത്തിൽ നമുക്ക് കൂടുതൽ പണം ലഭ്യമാക്കാൻ സെൻട്രൽ ബാങ്കിൽ അമേരിക്കൻ ഡോളർ വിതരണം ചെയ്യുന്നുണ്ട് . ലോക വിപണിയിൽ ഇന്ത്യൻ രൂപക്ക് കൂടുതൽ പ്രാധ്യാനം ലഭ്യമാക്കുന്ന സാഹചര്യം ഉണ്ടാക്കുകയെന്നതാണ് ആർബിഐയുടെ ലക്ഷ്യം . അതിനായി വ്യക്തമായ പദ്ധതികളോടെയാണ് പ്രവർത്തിക്കുന്നത് . രാജ്യപുരോഗതിക്കും , രൂപയുടെ മൂല്യം ഉയർത്തുന്നതിനുമായി കേന്ദ്ര സർക്കാരിന്റെ സഹകരണവും , പിന്തുണയും വളരെ മികച്ചതാണെന്നും ബാങ്കിന് പ്രവർത്തിക്കുവാനുള്ള സുഗമമായ എല്ലാ വഴികളും സർക്കാർ തുറന്നു തരുന്നുണ്ടെന്നും അദ്ദേഹം കൂട്ടിച്ചേർത്തു .
ആഗോള വിപണിയിൽ ഡോളറിനു കൂടുതൽ ഇടിവ് സംഭവിച്ചാൽ അത് ലോകരാജ്യങ്ങളിലെ സമ്പത് വ്യവസ്ഥയെ സാരമായി ബാധിക്കും . ഇന്ത്യയിലേക്ക് അമേരിക്കൻ ഇറക്കുമതി ഇടക്കലം കൊണ്ട് കുറഞ്ഞതോടെ സെൻട്രൽ ബാങ്കുകളിൽ ഡോളറിന് ക്ഷാമം ഉണ്ടാകുന്നുണ്ട് . ഇതു മറികടക്കാനുള്ള പ്രവർത്തനം നടന്നുവരുന്നുണ്ട് . നമ്മുടെ രാജ്യത്തിന്റെ വളർച്ചക്കും പുരോഗതിക്കുമായി നമ്മൾ കൂടുതലും സ്വയം പര്യാപ്തതയിലേക്ക് മാറാൻ തയ്യാറാകണം . കൂടുതൽ കയറ്റുമതി നടത്തുന്നതിലൂടെ രാജ്യം അഭിവൃദ്ധിപ്പെടാൻ സാധ്യതയുണ്ട് . ഇതിന് ബാങ്കുകൾക്ക് കൃത്യമായ പങ്കുണ്ടെന്നും അദ്ദേഹം വ്യക്തമാക്കി
.
Comments