കുടുംബവുമൊത്ത് അവധിക്കാലം ആഘോഷിക്കുന്നത് ഏതൊരാളുടേയും സ്വപ്‌നമാണ്. ഫിലിപ്പീൻസിലെ റെയ്മണ്ട് ഫോർചുനാഡോ എന്ന യുവാവും വളരെ കാലമായി ആഗ്രഹിച്ചതാണ് തന്റെ ഭാര്യയോടൊപ്പമുള്ള ഒരു യാത്ര. അവധിക്കാലം ആഘോഷിക്കാൻ എല്ലാ ഒരുക്കങ്ങളും നടത്തിയെങ്കിലും ഭാര്യ ജോവാന് അവസാന നിമിഷം പിൻമാറേണ്ടി വന്നു.
ജോലി സംബന്ധമായ കാരണങ്ങൾ കൊണ്ടായിരുന്നു അത്. എന്നാൽ കടുത്ത വിരസത അനുഭവിക്കുകയായിരുന്ന റെയ്മണ്ടിന് ഒരു അവധിക്കാലം കൂടിയേ തീരുമായിരുന്നുള്ളൂ. എന്നാൽ ഭാര്യയുടെ സാന്നിധ്യം വേണമായിരുന്നു. രണ്ട് ആഗ്രഹങ്ങളും ഒരുമിച്ച് നടക്കില്ലല്ലോ അതിനാൽ അദ്ദേഹം ഒരു വഴി കണ്ടെത്തി. ഭാര്യയുടെ തലയിണ പ്രിന്റ് ചെയ്ത തലയിണ കവർ കൂടെ കൊണ്ട് പോകുക.
ഇതിന്റെ സഹായത്താൽ ഊണിലും ഉറക്കത്തിലും ഭാര്യയുടെ സാന്നിധ്യം തനിക്ക് അനുഭവിക്കാമല്ലോ. ഭാര്യയുടെ കരയുന്ന മുഖമാണ് അദ്ദേഹം തലയിണയിൽ പ്രിന്റ് ചെയ്തത്. നിങ്ങൾ എന്നെ കരയിച്ചു. ഇപ്പോൾ ആ ദു:ഖം മാറി എന്ന ക്യാപഷനോടെ അദ്ദേഹം ഇതിന്റെ ചിത്രങ്ങളും പങ്ക് വെച്ചിട്ടുണ്ട്.
എന്തായാലും ഭാര്യയുടെ മുഖം പതിപ്പിച്ച തലയിണ കവറുമായി ഉലകം ചുറ്റുന്ന റെയ്മണ്ടിന്റെ ചിത്രങ്ങൾ ഇപ്പോൾ സമൂഹമാദ്ധ്യമങ്ങളിൽ വൈറലാണ്.
Comments