കൊല്ലം : കൊല്ലത്ത് വന്ധ്യംകരിച്ച തെരുവ് നായ പ്രസവിച്ചു. കൊല്ലം കോർപ്പറേഷന്റെ വന്ധ്യം കരണ പദ്ധതി പ്രകാരം വന്ധ്യംകരിക്കപ്പെട്ട നായയാണ് പ്രസവിച്ചത്. ആറ് കുഞ്ഞുങ്ങളുണ്ട്.
തെരുവ് നായ ശല്യം വർദ്ധിച്ചതോടെ കഴിഞ്ഞ മാർച്ചിൽ വന്ധ്യംകരണ പദ്ധതി ഊർജ്ജിതമാക്കിയിരുന്നു. നഗരത്തിലൂടെ അലഞ്ഞ് തിരിയുന്ന തെരുവ് നായ്ക്കളെ പിടികൂടിയാണ് വന്ധ്യംകരണം നടത്തിയത്. അഞ്ചാലുംമൂട് മൃഗാശുപത്രിയിൽ വെച്ച് പ്രത്യേക സംഘത്തെ നിയോഗിച്ചാണ് വന്ധ്യംകരണം നടത്തിയത്. ഇത് തിരിച്ചറിയാൻ ചെവിയിൽ അടയാളവും വെച്ചിരുന്നു. ഇതോടൊപ്പം ഈ നായയുടെയും വന്ധ്യംകരണം നടത്തി.
അടുത്തിടെ നായയ്ക്ക് വയറിൽ മുറിവേറ്റിരുന്നു. അപ്പോൾ നാട്ടുകാരാണ് നായയെ മൃഗാശുപത്രിയിലാക്കിയത്. തുടർന്ന് സുഖം പ്രാപിച്ച നായ കുറച്ച് ദിവസങ്ങളായി അലഞ്ഞ് നടക്കുന്നുണ്ടായിരുന്നു. പിന്നാലെയാണ് ഇതിന് കുഞ്ഞുങ്ങളുണ്ടായത്. വന്ധ്യംകരണത്തിൽ വന്ന പിഴവാകാം ഇതിന് കാരണമെന്നാണ് നിഗമനം. വന്ധ്യംകരിക്കാതെയാണ് നായയെ തിരികെ കൊണ്ടുവിട്ടത് എന്നും നാട്ടുകാർ ആരോപിക്കുന്നു.
