സ്വർണം നഷ്ടപ്പെട്ടത് അവസാനഘട്ടത്തിൽ പരിക്കേറ്റതോടെ; ഭാരോദ്വഹനത്തിൽ വെള്ളി നേടിയ സാങ്കേത് മഹാദേവിനെ പ്രശംസിച്ച് രാഷ്‌ട്രപതിയും പ്രധാനമന്ത്രിയും

ന്യൂഡൽഹി: 2022 കോമൺവെൽത്ത് ഗെയിംസിൽ ഇന്ത്യയ്‌ക്കായി ആദ്യത്തെ മെഡൽ വേട്ട നടത്തിയ സാങ്കേത് മഹാദേവിനെ പ്രശംസിച്ച് പ്രധാനമന്ത്രി നരേന്ദ്രമോദി. സാങ്കേതിന്റേത് അസാധാരണമായ പരിശ്രമമായിരുന്നുവെന്നും സാങ്കേതിലൂടെ ഇന്ത്യ മികച്ച തുടക്കത്തിന് ആരംഭം കുറിച്ചുവെന്നും പ്രധാനമന്ത്രി പറഞ്ഞു. രാജ്യത്തിനായി സാങ്കേത് കാഴ്ചവെക്കാൻ ഇരിക്കുന്ന എല്ലാ പരിശ്രമങ്ങൾക്കും ആശംസകൾ നേരുന്നതായും പ്രധാനമന്ത്രി ട്വീറ്റ് ചെയ്തു.

Exceptional effort by Sanket Sargar! His bagging the prestigious Silver is a great start for India at the Commonwealth Games. Congratulations to him and best wishes for all future endeavours. pic.twitter.com/Pvjjaj0IGm

— Narendra Modi (@narendramodi) July 30, 2022

55 കിലോ വിഭാഗം ഭാരോദ്വഹനത്തിൽ സാങ്കേത് മഹാദേവ് സർഗാർ കരസ്ഥമാക്കിയ നേട്ടത്തിൽ രാഷ്‌ട്രപതി ദ്രൗപദി മുർമുവും അഭിനന്ദനമറിയിച്ചു. സാങ്കേതിന്റെ കഠിനാധ്വാനമാണ് വിജയത്തിലേക്ക് എത്തിച്ചതെന്നും അത് ഇന്ത്യയ്‌ക്ക് മഹത്വമേകിയെന്നുമായിരുന്നു രാഷ്‌ട്രപതിയുടെ വാക്കുകൾ.

Congratulations to Sanket Sargar for winning the silver medal in Weightlifting at #CommonwealthGames. Your immense hard work has brought success to you and glory to India. My best wishes as India opens its medal tally.

— President of India (@rashtrapatibhvn) July 30, 2022

Congratulations to Sanket Sargar for winning India’s first medal at #CommonwealthGames2022 – a glorious silver medal in the 55 Kg weightlifting category. This was truly a memorable performance that showed his immense grit and determination. We are all proud of your efforts. pic.twitter.com/8UJ5iPQpMr

— Jagat Prakash Nadda (@JPNadda) July 30, 2022

ബിജെപി ദേശീയ അദ്ധ്യക്ഷൻ ജെപി നദ്ദയും സാങ്കേതിന് അഭിനന്ദനമറിയിച്ചു. അവിസ്മരണീയമായ പ്രകടനമായിരുന്നുവെന്നും സാങ്കേതിന്റെ ധീരതയും നിശ്ചയദാർഢ്യവും മത്സരത്തിൽ പ്രകടമായിരുന്നുവെന്നും നദ്ദ ട്വിറ്ററിൽ പറഞ്ഞു. ഇന്ത്യയ്‌ക്കിത് അഭിമാന നിമിഷമാണെന്നാണ് കോൺഗ്രസ് നേതാവ് രാഹുൽ ഗാന്ധി പ്രതികരിച്ചത്. രാജ്യത്തെ നിരവധി യുവാക്കൾക്ക് സാങ്കേതിന്റെ നേട്ടം പ്രചോദനമാകുമെന്ന് രാഹുൽ ട്വീറ്റ് ചെയ്തു.

A proud moment for India!

Heartiest congratulations to #SanketSargar for clinching the Silver medal at the CWG 2022. Yours is a story of inspiration for many young Indians.

All the very best to Team India. Keep shining. pic.twitter.com/HRWInKnt7J

— Rahul Gandhi (@RahulGandhi) July 30, 2022

𝙂𝙧𝙞𝙩. 𝙋𝙖𝙞𝙣. 𝙂𝙡𝙤𝙧𝙮. 👊

Sanket Sargar refused to give up even after hurting his right elbow on the second clean and jerk lift 💪

Terrific commitment from the 21-year-old @birminghamcg22🥈medallist 👏#EkIndiaTeamIndia | #B2022 | #TeamIndia pic.twitter.com/8IND1SEqi0

— Team India (@WeAreTeamIndia) July 30, 2022

സ്നാച്ചിലും ക്ലീൻ ആൻഡ് ജെർക്കിലുമായി 248 കിലോ ഉയർത്തിയായായിരുന്നു കോമൺവെൽത്ത് ഗെയിംസിൽ 21-കാരനായ സങ്കേതിന്റെ മെഡൽ നേട്ടം. മഹാരാഷ്‌ട്ര സ്വദേശിയാണ് സാങ്കേത്. അവസാന ഘട്ടത്തിൽ പരിക്കേറ്റതോടെയാണ് സാങ്കേതിന് സ്വർണം നഷ്ടപ്പെട്ടത്. തുടർന്ന് നേരിയ വ്യത്യാസത്തിന് മലേഷ്യൻ താരം ഒന്നാം സ്ഥാനം നേടി.