ന്യൂഡൽഹി: രാഷ്ട്രപതി ദ്രൗപദി മുർമുവിനെ ഡൽഹി മുഖ്യമന്ത്രി അരവിന്ദ് കെജ്‌രിവാൾ സന്ദർശിക്കുമെന്ന് വൃത്തങ്ങൾ അറിയിച്ചു. ഇന്ത്യയുടെ പതിനഞ്ചാമത് രാഷ്‌ട്രപതിയായി നിയമിതയായ ദ്രൗപദി മുർമുവിനെ പശ്ചിമ ബംഗാൾ മുഖ്യമന്ത്രി മമത ബാനർജി കൂടിക്കാഴ്ച നടത്തുമെന്ന് പറഞ്ഞതിന് തൊട്ട് പിന്നാലെയാണ് ഡൽഹി മുഖ്യമന്ത്രിയുടെ പ്രസ്താവന വരുന്നത്.
രാഷ്ട്രപതി തിരഞ്ഞെടുപ്പിൽ ഇരുവരും എൻ ഡി എയുടെ രാഷ്ടപതി സ്ഥാനാർത്ഥി ദ്രൗപദി മുർമുവിനെതിരെ മത്സര രംഗത്ത് പ്രവർത്തിച്ചവരായിരുന്നു. രാഷ്ട്പതിയെ കാണുന്നത് പ്രോട്ടോക്കോളിന്റെ ഭാഗമാണെന്നും കൂടിക്കാഴ്ച സദുദ്ദേശപരമാണെന്നും ഔദ്യോഗിക വൃത്തങ്ങൾ സൂചിപ്പിക്കുന്നു. പുതിയ രാഷ്‌ട്രപതിയുമായി നേരിട്ട് കണ്ട് പരിചയപ്പെടുക എന്ന ഉദ്ദേശം മത്രേം ഉള്ളു എന്നും പറയുന്നു. എന്നാൽ നടക്കാൻ പോകുന്ന ഉപരാഷ്‌ട്രപതി തിരഞ്ഞെടുപ്പുമായി ബന്ധപ്പെട്ട് എല്ലാ പ്രതിപക്ഷ പാർട്ടികളും ഒരുമിച്ചു കൂടാനുള്ള സാധ്യത ഉണ്ടെന്നു ചില പ്രാദേശിക മാദ്ധ്യമങ്ങൾ റിപ്പോർട്ട് ചെയ്യൂന്നുണ്ട്.
ഡൽഹിയിലേക്ക് എത്തുന്ന മുഖ്യമന്ത്രിമാർ സ്വന്തം പാർട്ടിയിലെ എം പി മാരുടെ യോഗങ്ങൾ വിളിച്ചു ചേർക്കുന്നുണ്ട്. 2024ലെ പാർലിമെന്റ് തിരഞ്ഞെടുപ്പുമായി ബന്ധപ്പെട്ട ചർച്ചകൾ നടത്തുന്നതിന് ഒരുപക്ഷെ ഈ കൂടിച്ചേരൽ കാരണമായേക്കാമെന്നും മാദ്ധ്യമങ്ങൾ പറയുന്നു.
Comments