ലഡാക്ക്: ഇന്ത്യയുടെ 76-മത് സ്വാതന്ത്ര്യ ദിനം അതിവിപുലമായി കൊണ്ടാടി. രാജ്യത്തിന്റെ അഖണ്ഡതയും ഐക്യവും ഊട്ടിയുറപ്പിക്കുന്ന പ്രൗഢ ഗംഭീരമായ മുഹൂർത്തത്തിന് ചെങ്കോട്ട ഇന്നലെ വേദിയായി. ലോകത്തിന്റെ നാനാവിധ മേഖലയിലുമുള്ള ഭാരതീയർ സ്വാതന്ത്ര്യ പുലരിയുടെ ഓർമകളിൽ മതിമാറന്നാറാടി. പ്രധാനമന്ത്രി നരേന്ദ്രമോദിയുടെ ആഹ്വാനമനുസരിച്ച് നടന്ന ഹർ ഘർ തിരംഗ ക്യാമ്പെയിന്റെ ഭാഗമായി ഓരോ വീടുകളിലും സ്ഥാപനങ്ങളിലും ഇന്ത്യയുടെ ആത്മാഭിമാനത്തിന്റെ പ്രതീകമായ ദേശീയ പതാക പാറികളിച്ചു.
സ്വാതന്ത്ര്യ ദിനവുമായി ബന്ധപ്പെട്ട് ലോകത്തിലെ ഏറ്റവും ഉയർന്ന പ്രദേശമായ സിയാച്ചിൻ മലനിരകളിൽ ദേശീയ പതാക ഉയർത്തി സൈനികർ സ്വാതന്ത്ര്യ ദിനാഘോഷങ്ങളുടെ ഭാഗമായി. ദേശീയ പതാകയ്‌ക്ക് മുന്നിൽ ദേശീയഗാനം ആലപിക്കുകയും സല്യൂട്ട് നൽകുകയും ചെയ്യുന്ന ചിത്രം ഇന്ത്യൻ ആർമിയുടെ ഫയർ ആൻഡ് ഫ്യുറി കോർപ്‌സ് ട്വിറ്ററിലൂടെ പങ്കുവെച്ചു.
കടൽ നിരപ്പിൽ നിന്നും 18000 അടി ഉയരമുള്ള സിയാച്ചിൻ മഞ്ഞു മലകളിൽ അമൃത മഹോത്സവത്തിന്റെ ആഘോഷം നടത്തിയ ഇന്ത്യൻ സൈനികരുടെ ചിത്രങ്ങളും വീഡിയോയും സാംസ്കാരിക മന്ത്രാലയവും സമൂഹ മാദ്ധ്യമങ്ങളിലൂടെ പങ്കുവെച്ചു.
Comments