18 വർഷം പൂർത്തിയാക്കി ധൂം ; ആഘോഷമാക്കി നിർമ്മാതാക്കൾ-Abhishek Bachchan, John Abraham’s ‘Dhoom’ Turns 18;

അഭിഷേക് ബച്ചന്റെയും ജോൺ എബ്രഹാമിന്റെയും 2004-ൽ പുറത്തിറങ്ങിയ ആക്ഷൻ-ത്രില്ലർ ചിത്രമാണ് ധൂം . ആരാധകർ നെഞ്ചിലേറ്റിയ ബോളിവുഡ് ചിത്രങ്ങളിൽ ഒന്നാണ് ഇത്. ചിത്രവുമായി ബന്ധപ്പെട്ട് ഇപ്പോൾ പുറത്ത് വരുന്ന വാർത്ത ധൂം റിലീസ് ചെയ്ത് 18 വർഷം പൂർത്തിയായിരിക്കുന്നു എന്നാണ്. ഈ സന്തോഷം സമൂഹമാദ്ധ്യമങ്ങളിലൂടെ പങ്കുവെയ്‌ക്കുകയാണ് നിർമ്മാതാക്കൾ . ചിത്രത്തിന്റെ പോസ്റ്ററുകൾ ഉൾപ്പെടെ പങ്കിട്ടാണ് ആഘോഷം.

ഇതിന് പുറമെ പ്രക്ഷകരെ ചിത്രത്തിന്റെ ഓർമ്മകളിലേക്ക് കൊണ്ട് പോകാൻ ആമസോൺ പ്രൈം വീഡിയോയും ചിത്രവുമായി ബന്ധപ്പെട്ട വീഡിയോ പങ്കുവെച്ചു. ചിത്രത്തിലെ ആവേശകരമായ ബൈക്ക് റൈഡിന്റെ വീഡിയോയാണ് പങ്കുവെച്ചത്. ഒപ്പം ഇങ്ങനെ കുറിച്ചു, ധൂം എന്ന ചിത്രം പുറത്തിറങ്ങിയിട്ട് 18 വർഷം ആയിരിക്കുന്നു. സ്പോർട്സ് ബൈക്കുകളോടുള്ള നമ്മുടെ അഭിനിവേശം വർദ്ധിപ്പിക്കുന്ന ഒരു സിനിമയാണിത്. ആളുകൾക്ക് എന്തുകൊണ്ടാണ് ചെറുപ്രായത്തിൽ ധൂം പ്രിയപ്പെട്ട ചിത്രം ആയത് എന്ന് നമ്മുക്ക് ഒന്ന് ഓർത്ത് നോക്കാം. ഇന്നും അതിന് മാറ്റം ഒന്നും വന്നില്ല.

ചിത്രത്തിന്റെ അണിയറ പ്രവർത്തകർക്കൊപ്പം ആരാധകരും ആഘോഷത്തിൽ തന്നെയാണ് . നിരവധി സന്ദേശങ്ങളാണ് ഇതുമായി ബന്ധപ്പെട്ട് ആരാധകർ സമൂഹമാദ്ധ്യമങ്ങളിൽ കുറിക്കുന്നത്. ജോണിനെ ഇന്ന് സിനിമാ മേഖല കൊണ്ട് പോയി. അദ്ദേഹത്തിന്റെ ആദ്യകാല സൃഷ്ടികളിൽ ഒന്നായിരുന്നു ധൂം. കാലം ഇത്രയും കഴിഞ്ഞിട്ടും ചിത്രം ഇന്നും തലയുയർത്തി നിൽക്കുകയാണ് തുടങ്ങിയവയാണ് ആരാധകരുടെ സന്ദേശങ്ങൾ.

സസ്പെൻസ്, ആക്ഷൻ, സ്റ്റൈൽ എന്നിവയാൽ സിനിമാ ലോകം എന്നും ഓർക്കുന്ന ചിത്രമാണ് സഞ്ജയ് ഗാധ്വി സംവിധാനം ചെയ്ത ധൂം.യാഷ് രാജ് ഫിലിംസിന്റെ ബാനറിൽ ആദ്യമായി നിർമ്മിച്ച ഈ ചിത്രത്തിൽ നായകനെക്കാൾ പ്രധാന്യം വില്ലനായിരുന്നു. അതേസമയം
ഹൃത്വിക് റോഷനും ഐശ്വര്യ റായിയും അഭിനയിച്ച ധൂമിന്റെ രണ്ടാം ഭാഗം 2006- ൽ തിയറ്ററുകളിൽ എത്തിയപ്പോൾ ആമിർ ഖാൻ-കത്രീന കൈഫ് ജോഡികളുടെ ധൂം 3 2013-ൽ പുറത്തിറങ്ങി.