കോട്ടയം: നെഹ്‌റു ട്രോഫി വള്ളം കളിയ്‌ക്കെതിരെ ചങ്ങനാശ്ശേരി അതിരൂപത. വള്ളം കളി ഞായറാഴ്ച നടത്താൻ തീരുമാനിച്ചതാണ് അതിരൂപതയിൽ എതിർപ്പുളവാക്കിയിരിക്കുന്നത്. പള്ളികളുടെ ആരാധന സമയത്ത് വള്ളം കളി നടത്തുന്നത് അപലപനീയമാണെന്നും അതിരൂപത വ്യക്തമാക്കി.
ക്രൈസ്തവ വിശ്വാസികൾ കുർബാനയ്‌ക്കും പ്രാർത്ഥനയ്‌ക്കുമായി എത്തുന്നത് ഞായറാഴ്ചകളിലാണ്. ഇത് പരിഗണിക്കാതെ നെഹ്‌റു ട്രോഫി വള്ളം കളിക്കായ് പാർക്കിംഗ് ക്രമീകരണം നടത്തണം എന്ന് ആവശ്യപ്പെടുന്നത് അപലപനീയമാണ്. മുൻ വർഷങ്ങളിലെല്ലാം ഓഗസ്റ്റിലെ രണ്ടാം ശനിയാഴ്ചകളിലാണ് വള്ളം കളി നടത്തിയിരുന്നത്. എന്നാൽ ഇക്കുറി ഞായറാഴ്ചയാക്കിയതിനോട് യോജിക്കാൻ കഴിയില്ലെന്നും അതിരൂപത വ്യക്തമാക്കി.
ഞായറാഴ്ചകൾ പ്രവർത്തി ദിനമാക്കാൻ കഴിഞ്ഞ കുറേ കാലങ്ങളായി സർക്കാർ ശ്രമിക്കുന്നു. ഞായറാഴ്ച വള്ളം കളി നടത്തുന്നത് മതവികാരം വ്രണപ്പെടുത്തും. ഇത്തം നീക്കങ്ങളിൽ നിന്നും സർക്കാർ പിൻവാങ്ങണമെന്നും ചങ്ങാനാശ്ശേരി രൂപത ആവശ്യപ്പെട്ടു.
Comments