ന്യൂഡൽഹി; ഏകീകൃത സിവിൽ കോഡ് നടപ്പാക്കാനുള്ള ഗുജറാത്ത് സർക്കാരിന്റെ പ്രഖ്യാപനത്തെ പ്രശംസിച്ച് ബിജെപി ദേശീയ വക്താവ് ഷെഹ്സാദ് പൂനാവാല. ലിംഗസമത്വത്തിനും സ്ത്രീ ശാക്തീകരണത്തിനും വേണ്ടി ബിജെപി പൂർണ്ണമായും പ്രതിജ്ഞാബദ്ധമാണെന്ന് അദ്ദേഹം പറഞ്ഞു.
ലിംഗനീതിയും സ്ത്രീ ശാക്തീകരണവും എന്ന ആശയം പ്രോത്സാഹിപ്പിക്കുന്നതിന് ഓരോ തവണയും ബിജെപിക്ക് അവസരമൊരുങ്ങുമ്പോൾ സംസ്ഥാനം കൂടുതൽ വികസിക്കുകയാണെന്നും അദ്ദേഹം കൂട്ടിച്ചേർത്തു.ഇതിലൂടെ സ്ത്രീകളുടെ കൂടെയാണ് ബിജെപി എന്നത് വീണ്ടും തെളിയിച്ചിരിക്കുകയാണ്. സിവിൽ കോഡ് എന്നത് ലിംഗനീതിക്കുള്ള ഏറ്റവും വലിയ ആയുധമാണെന്ന് ഷെഹ്സാദ് പൂനാവാല വ്യക്തമാക്കി.
കോൺഗ്രസും ആംആദ്മി പാർട്ടിയും എഐഎംഐഎമ്മും വോട്ട് ബാങ്ക് രാഷ്‌ട്രീയം മാത്രമാണ് ലക്ഷ്യം വെയ്‌ക്കുന്നത്. ലിംഗനീതിയും സ്ത്രീ ശാക്തീകരണവും നിരന്തരം പ്രസംഗിക്കുന്ന ഈ പാർട്ടികളുടെ പ്രവർത്തികൾ അന്ത്യന്തം അസ്വസ്ഥവും സങ്കടകരവുമാണെന്ന് അദ്ദേഹം കുറ്റപ്പെടുത്തി.ഇന്ന് മറ്റ് പാർട്ടികൾ ഏകീകൃത സിവിൽ കോഡിന് എതിരായി നിൽക്കുന്നു. എന്നാൽ നാളെ ഒരിക്കൽ അവർ ഇത് മാറ്റിപ്പറയുമെന്ന് അദ്ദേഹം കൂട്ടിച്ചേർത്തു.
ഇന്ന് ചേർന്ന മന്ത്രിസഭാ യോഗത്തിന് ശേഷമാണ് ജനാധിപത്യത്തെ ശക്തിപ്പെടുത്തുന്നതിന് ഏകീകൃത സിവിൽ കോഡ് അനിവാര്യമെന്ന് ഗുജറാത്ത് ആഭ്യന്തരമന്ത്രി ഹർഷ് സംഘവി പറഞ്ഞത്. ഇത് നടപ്പിലാക്കാൻ സമിതിയും ഗുജറാത്ത് സർക്കാർ രൂപീകരിച്ചു.
Comments