പാമ്പിന്റെ ഏറ്റവും വലിയ ശത്രുവാണ് കീരി. രണ്ട് ജീവികളും തമ്മിൽ കണ്ടാൽ വഴക്ക് ഉറപ്പാണ്. അതിൽ മിക്കവാറും തോൽക്കുക പാമ്പായിരിക്കും. ചെറിയ പാമ്പുകളെ മാത്രമല്ല, ഉഗ്രവിഷമുള്ള സർപ്പങ്ങളെയും കീരി സധൈര്യം നേരിടും. അത്തരത്തിൽ രാജവെമ്പാലയുമായുള്ള കീരിയുടെ പോരാട്ടത്തിന്റെ വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത്.
കീരിയും രാജവെമ്പാലയും തമ്മിലുള്ള പോരാട്ടമാണ് വീഡിയോയിൽ കാണാൻ സാധിക്കുന്നത്. സ്വന്തം ജീവൻ നിലനിർത്താൻ വേണ്ടിയുള്ള പോരാട്ടമാണ് ഇരുവരും തമ്മിൽ നടക്കുന്നത്. നിരവധി തവണ പാമ്പ് കൊത്താൻ ശ്രമിക്കുന്നുണ്ടെങ്കിലും കീരി അതിൽനിന്നെല്ലാം ഒഴിഞ്ഞുമാറുന്നത് കാണാനാകും. തുടർന്ന് പാമ്പിന്റെ വായിൽ കീരി കടിക്കുന്നു. കുറച്ച് നേരം പാമ്പ് പിടഞ്ഞെങ്കിലും പിന്നീടത് നിശ്ചലമായി. ഇതോടെ കീരി പാമ്പിനെ അകത്താക്കുന്നതും ദൃശ്യങ്ങളിൽ കാണാം.
വീഡിയോ സമൂഹമാദ്ധ്യമങ്ങളിൽ നിമിഷനേരം കൊണ്ടാണ് വൈറലായത്. കീരിയുടെ ധൈര്യത്തെ പ്രശംസിച്ച് നിരവധി പേരാണ് എത്തിയിരിക്കുന്നത്.
Comments