മനുഷ്യശരീരത്തിന്റെ പ്രവർത്തനത്തിന് അത്യന്താപേക്ഷിതമായ ഘടകമാണ് ജലം. ആരോഗ്യവാനായ ഒരു വ്യക്തി പ്രതിദിനം 8 മുതൽ 10 ഗ്ലാസ് വരെ വെള്ളം കുടിച്ചിരിക്കണം എന്നാണ് പറയപ്പെടുന്നത്. എത്ര വെള്ളം കുടിക്കണം എന്നത് പോലെ തന്നെ പ്രധാനമാണ് എങ്ങനെ വെള്ളം കുടിക്കണം എന്നതുമെന്നാണ് വിദഗ്ധരുടെ അഭിപ്രായം.
തിരക്കു പിടിച്ച ദൈനംദിന ജീവിതത്തിനിടയിൽ പലപ്പോഴും പലർക്കും ഇരുന്ന് വെള്ളം കുടിക്കാനുള്ള സമയം കിട്ടാറില്ല. എന്നാൽ, നിന്ന് വെള്ളം കുടിക്കുന്നതും ധൃതി പിടിച്ച് വെള്ളം കുടിക്കുന്നതും പലവിധ ആരോഗ്യ പ്രശ്നങ്ങൾക്ക് കാരണമാകും എന്നാണ് ആരോഗ്യ വിദഗ്ധർ പറയുന്നത്. നിന്നു കൊണ്ട് വെള്ളം കുടിക്കുന്നത് മൂലമുണ്ടാകുന്ന പ്രധാന ആരോഗ്യ പ്രശ്നങ്ങൾ ഇവയാണ്.
1. ഉദരഭിത്തികൾ തകരാറിലാകുന്നു- നിന്നു കൊണ്ട് വെള്ളം കുടിക്കുമ്പോൾ, ഉദരഭിത്തികളിൽ അമിത സമ്മർദ്ദമുണ്ടാകുന്നു. ദഹനേന്ദ്രിയങ്ങളുടെയും അനുബന്ധ അവയവങ്ങളുടെയും പ്രവർത്തനങ്ങളെ ഇത് ബാധിക്കുന്നു.
2. വൃക്കകളുടെ പ്രവർത്തനം തകരാറിലാക്കുന്നു- നിന്നു കൊണ്ട് വെള്ളം കുടിച്ചാൽ വൃക്കകളിലെ ശുദ്ധീകരണ പ്രക്രിയ ശരിയായി നടക്കില്ല. രക്തത്തിലും വൃക്കകളുടെ ഭിത്തികളിലും അടിഞ്ഞു കൂടുന്ന ജലകണികകൾ വൃക്കകൾക്ക് ദോഷകരമായി മാറുന്നതോടൊപ്പം, മൂത്രാശയ സംബന്ധമായ അസുഖങ്ങൾക്കും കാരണമാകുന്നു.
3. വാതരോഗങ്ങൾക്ക് കാരണമാകുന്നു- നിന്ന് വെള്ളം കുടിച്ചാൽ ശരീരസ്രവങ്ങളുടെ സന്തുലിതാവാസ്ഥ തകരാറിലാകുന്നു. ഇത് സന്ധികളിൽ വെള്ളം കെട്ടി കിടക്കാൻ കാരണമാകുകയും വാതരോഗത്തിലേക്ക് നയിക്കുകയും ചെയ്യുന്നു.
4. നാഡീസംബന്ധമായ രോഗങ്ങൾക്ക് കാരണമാകുന്നു- നിന്ന് വെള്ളം കുടിക്കുന്നത് ശരീരത്തിന്റെ പ്രതിരോധ ശേഷിയെ ദോഷകരമായി ബാധിക്കുന്നു. ഇത് നാഡീസംബന്ധമായ രോഗങ്ങളിലേക്കും നിങ്ങളെ നയിക്കുന്നു.
5. നെഞ്ചിരിച്ചിലും കുടൽപ്പുണ്ണും ഉണ്ടാക്കുന്നു- നിന്ന് വെള്ളം കുടിക്കുമ്പോൾ, ഉദരവും അന്നനാളവും തമ്മിൽ ചേരുന്ന ഭാഗത്ത് സമ്മർദ്ദം വർദ്ധിക്കുന്നു. തത്ഫലമായി വയറ്റിനുള്ളിൽ ഉത്പാദിപ്പിക്കപ്പെടുന്ന ദഹനരസങ്ങൾ ഉദരഭിത്തികളിൽ കെട്ടിക്കിടന്ന് പുളിച്ചു തികട്ടൽ ഉണ്ടാക്കുന്നു. ഇത് കാലക്രമത്തിൽ കുടൽപ്പുണ്ണായി മാറുന്നു.
6. ദഹനക്കേട്- നിന്നു കൊണ്ട് വെള്ളം കുടിച്ചാൽ ദഹനേന്ദ്രിയങ്ങളുടെ സങ്കോച വികാസങ്ങൾ കൃത്യമായി നടക്കില്ല. ഇത് ദഹനക്കേടിന് കാരണമാകുന്നു.
ശരീരത്തിനുള്ളിലെത്തുന്ന വെള്ളം കൃത്യമായി പ്രവർത്തിക്കണമെങ്കിൽ, ശരിയായ രീതിയിൽ ഇരുന്ന സാവധാനം വെള്ളം കുടിക്കണം എന്നാണ് ആയുർവേദ ശാസ്ത്രവും ഉപദേശിക്കുന്നത്.
Comments