മുംബൈ: ചൈനയുമായുള്ള സംഘർഷത്തിനിടെ ഗാൽവൻ താഴ്‌വരയിൽ വീരമൃത്യുവരിച്ച സൈനികരെ അധിക്ഷേപിച്ച നടി റിച്ച ഛദ്ദയ്‌ക്കെതിരെ പോലീസിൽ പരാതി. സംവിധായകൻ അശോക് പണ്ഡിറ്റാണ് മുംബൈ പോലീസിൽ പരാതി നൽകിയത്. നടിയുടേത് രാജ്യദ്രോഹ പരാമർശമാണെന്ന് അശോക് പണ്ഡിറ്റ് പ്രതികരിച്ചു.
ഒരു ഇന്ത്യൻ പൗരനെന്ന നിലയിൽ ഛദ്ദയുടെ പരാമർശം വളരെ വേദനിപ്പിച്ചതായി അശോക് പണ്ഡിറ്റ് പറഞ്ഞു. തന്നെ പോലെ ലക്ഷക്കണക്കിന് ആളുകൾക്ക് നടിയുടെ പരാമർശം വേദനയുണ്ടാക്കിയിട്ടുണ്ട്. നടിയുടേത് രാജ്യദ്രോഹ പരാമർശമാണ്. ഇതിൽ ശക്തമായി അപലപിക്കുന്നു. ഇന്ത്യൻ പൗരനെന്ന നിലയിൽ നടിയ്‌ക്കെതിരെ പരാതി നൽകണമെന്ന് താൻ ചിന്തിച്ചു. ഇതേ തുടർന്നാണ് പരാതി നൽകിയത്.
പരാതിയിൽ ഛദ്ദയ്‌ക്കെതിരെ കേസ് എടുക്കാനും നിയമ നടപടി കൈക്കൊള്ളാനും പോലീസിനോട് അഭ്യർത്ഥിക്കുന്നു. സുരക്ഷാ സേനയെ അധിക്ഷേപിക്കുന്നവർക്ക് മാപ്പില്ലെന്ന് എല്ലാവരും തിരിച്ചറിയണം. ഛദ്ദ മുഴുവൻ സുരക്ഷാ സേനയെയും അവരുടെ കുടുംബങ്ങളെയുമാണ് അപമാനിച്ചത്. സംഭവത്തെ സിനിമാ, ടെലിവിഷൻ മേഖല ഒന്നടങ്കം അപലപിക്കണമെന്നും അദ്ദേഹം ആവശ്യപ്പെട്ടു.
Comments