റിച്ച ഛദ്ദയെ പിന്തുണച്ച മാമാഎർത്തിന് കിട്ടിയത് എട്ടിന്റെ പണി; ബഹിഷ്‌കരണ ആഹ്വാനം ശക്തമായതോടെ ക്ഷമ ചോദിച്ച് കമ്പനി; ഇന്ത്യൻ ആർമിയെ വാനോളം പുകഴ്‌ത്തി ട്വീറ്റ്

ന്യൂഡൽഹി: നടി റിച്ച ഛദ്ദയുടെ വിവാദ ട്വീറ്റിനെ പിന്തുണച്ച ബ്യൂട്ടി പ്രൊഡക്ട് കമ്പനിയും ക്ഷമാപണവുമായി രംഗത്ത്. ബോളിവുഡ് താരം നടത്തിയ ഗാൽവൻ പരാമർശത്തിനെ പിന്തുണച്ചത് വിവാദമായതോടെയാണ് മാമാഎർത്ത് കമ്പനി ക്ഷമ ചോദിച്ചത്. സോഷ്യൽ മീഡിയയിൽ കമ്പനിക്ക് നേരെ ബഹിഷ്‌കരണ ആഹ്വാനവും ശക്തമായിരുന്നു.

ട്വിറ്ററിൽ നടത്തിയ കമന്റ് നിരവധിയാളുകളുടെ വികാരത്തെ വ്രണപ്പെടുത്തിയെന്ന് മനസിലാക്കുന്നു. ഇതിൽ ഖേദം പ്രകടിപ്പിക്കുന്നതായും ക്ഷമ ചോദിക്കുന്നുവെന്നും മാമാഎർത്ത് കമ്പനി പ്രതികരിച്ചു. വളരെയധികം അഭിമാനമുള്ള ഇന്ത്യൻ കമ്പനിയാണ് മാമാഎർത്ത്. രാജ്യത്തെ സായുധസേനയുടെ പ്രവർത്തനങ്ങളെ അങ്ങേയറ്റം ബഹുമാനിക്കുന്നു. എതിരായി ചിന്തിക്കുന്ന വ്യക്തികളെയോ സംഘടനകളെയോ പിന്തുണയ്‌ക്കുകയില്ലെന്നും കമ്പനി ട്വീറ്റ് ചെയ്തു.

Mamaearth sincerely regrets hurting any sentiments due to a poorly drafted comment on Twitter. We are a proud Indian company who respects and stands by our armed forces. We do not subscribe to the views shared by any individual who thinks otherwise.

— Mamaearth (@mamaearthindia) November 25, 2022

കൂടാതെ മാമാഎർത്ത് സിഇഒ ഘസൽ അലാഗ് മറ്റൊരു ട്വീറ്റും പോസ്റ്റ് ചെയ്തു. ദേശീയപതാകയുടെ ചിത്രമായിരുന്നു അദ്ദേഹം പോസ്റ്റിൽ ഉൾപ്പെടുത്തിയത്. ഇന്ത്യൻ ആർമിക്കെതിരായ ഒരു നീക്കവും മാമാഎർത്ത് പിന്തുണയ്‌ക്കില്ലെന്നും ഇന്ത്യക്കാരായതിൽ അഭിമാനിക്കുന്ന ജീവനക്കാരാണ് ഈ കമ്പനിയിൽ മുഴുവൻ ജോലിയെടുക്കുന്നതെന്നും സിഇഒ വ്യക്തമാക്കി.

Ek team member ke galat comment ki wajah se we have unintentionally hurt a lot of people, truly sorry for it. Aise kisi vichaar ko jo India ya army ke against ho hum support nai karte. We are a company run entirely by proud Indians. https://t.co/bdMJdTgaky pic.twitter.com/njGgoOOuyy

— Ghazal Alagh (@GhazalAlagh) November 25, 2022

ഇന്ത്യൻ സൈനികരെ അധിക്ഷേപിച്ച് പരാമർശം നടത്തിയ നടി റിച്ച ഛദ്ദയെ ന്യായീകരിക്കുകയായിരുന്നു മാമാഎർത്ത് നേരത്തെ ചെയ്തത്. റിച്ചയുടെ ട്വീറ്റിനെ സൈനികരുടെ ധീരതയ്‌ക്കുള്ള അനുമോദനമായി കണ്ടുകൂടെ എന്നായിരുന്നു മാമാഎർത്തിന്റെ ചോദ്യം. ഇതിന് പിന്നാലെ വലിയ വിമർശനമായിരുന്നു കമ്പനിക്ക് നേരെ ഉയർന്നത്. റിച്ചയെ പിന്തുണച്ച മാമാഎർത്തിന്റെ പ്രൊഡക്ടുകൾ വലിച്ചെറിയുകയാണെന്നും മേലിൽ ഉപയോഗിക്കുകയില്ലെന്നും നിരവധി പേർ പ്രതികരിച്ചു. തുടർന്ന് ബഹിഷ്‌കരണ ആഹ്വാനം  ശക്തമായതോടെയാണ് ഇപ്പോൾ ക്ഷമാപണവുമായി കമ്പനി എത്തിയത്.

Received on army group – hugely odd justification for frivolous statements made about our bravehearts. Blatant disrespect..

Hits hard especially as an army daughter

Will not be distributing mamaearth @AaynaClinic or listing them on our digital store @weareclinikally pic.twitter.com/I7xuXXn5C1

— Dr. Simal Soin (@DrSimalSoin) November 24, 2022