ന്യൂയോർക്ക്: രക്ഷാസമിതിയിൽ വികസ്വര രാജ്യങ്ങളുടെ പ്രാതിനിധ്യം ഉറപ്പാക്കണമെന്ന് ആവശ്യപ്പെട്ട് ഇന്ത്യ. യുഎൻ ജനറൽ അസംബ്ലിയിലാണ് ഇന്ത്യ ഇക്കാര്യം ആവശ്യപ്പെട്ടത്. ആഫ്രിക്കൻ രാജ്യങ്ങൾ ഉൾപ്പെടെയുള്ള രാജ്യങ്ങളുടെ പങ്കാളിത്തം ഉറപ്പാക്കണമെന്നാണ് ഇന്ത്യയുടെ ആവശ്യം.
ശക്തരായവരുടെ അവസ്ഥയെ തീക്ഷ്ണതയോടെ സംരക്ഷിക്കുന്നതിനു പകരം ശബ്ദമില്ലാത്തവർക്ക് ശബ്ദം നൽകിയാൽ മാത്രമേ സുരക്ഷാ കൗൺസിലിന് ഫലപ്രദമായ പരിഹാരങ്ങൾ നൽകാൻ കഴിയൂ എന്ന് ഇന്ത്യ വ്യക്തമാക്കി.
ലോകത്തിൽ അനുദിനം വെല്ലുവിളികൾ വർദ്ധച്ചുവരികയാണ്. പുതിയ വെല്ലുവിളികളെ നേരിടാൻ നേരത്തെ സൃഷ്ടിച്ച സംവിധാനങ്ങൾക്ക് ആകില്ലെന്നും അവ കാലാഹരണപ്പെട്ടതായും ഇന്ത്യൻ അംബാസഡർ ആർ രവീന്ദ്ര വ്യക്തമാക്കി.
വികസ്വര രാജ്യങ്ങളുടെ പ്രതിനിധികൾ രക്ഷ സമിതിയിൽ പങ്കാളികളാണെങ്കിൽ അവർ നേരിടുന്ന വെല്ലുവിളികളെയും ചൂണ്ടിക്കാട്ടാനും അവയ്‌ക്ക് പ്രതിവിധികൾ കണ്ടെത്താനും കഴിയുമെന്നും അദ്ദേഹം സൂചിപ്പിച്ചു. ‘പ്രാദേശിക പ്രാതിനിധ്യം’ എന്ന വിഷയത്തിൽ സംസാരിക്കുകയായിരുന്നു ഇന്ത്യൻ അംബാസഡർ ആർ രവീന്ദ്ര .
Comments