ന്യൂഡൽഹി: രാഷ്‌ട്രപതി ഭവനിലെ പൂന്തോട്ടങ്ങളുടെ പേര് ‘അമൃത് ഉദ്യാൻ’ എന്നാക്കിയതിനെ സ്വാഗതം ചെയ്ത് മുസ്ലീം രാഷ്ട്രീയ മഞ്ച്. വസുധൈവ കുടുംബകത്തെ അടയാളപ്പെടുത്തുന്നതാണ് അമൃത് ഉദ്യാനെന്ന പുതിയ പേരെന്നും സംഘടന വ്യക്തമാക്കി. മുഗൾ ഗാർഡൻ എന്ന പേരാണ് അമൃത് ഉദ്യാൻ എന്ന് മാറ്റിയത്.
അമൃത് എന്നാൽ ശക്തി എന്നാണെന്നും അതിന് മരണമില്ലെന്നും മുസ്ലീം രാഷ്ട്രീയ മഞ്ച് മീഡിയ ഇൻ ചാർജ് ഷാഹിദ് സയിദ് പറഞ്ഞു. ദൈവങ്ങളോട് ചേർന്നാണ് ശക്തിയുള്ളതെന്നും ഇവിടെ ഉദ്യാനങ്ങൾക്ക് വളരെയധികം പ്രാധാന്യം നൽകുന്നുണ്ടെന്നും അദ്ദേഹം കൂട്ടിച്ചേർത്തു.
രാജ്യത്തിന്റെ അനശ്വരമായ ആശയമാണ് അമൃത് ഉദ്യാൻ. ഇത് വസുധൈവ കുടുംബകത്തെ പ്രതിഫലിപ്പിക്കുന്നു,പുരാണങ്ങളെ ഓർമിപ്പിക്കുന്നു. അയ്യായിരം വർഷങ്ങൾക്ക് മുൻപ് ഖാണ്ഡവപ്രസ്ഥ എന്നറിയപ്പെട്ടിരുന്ന ഇവിടം ഇന്ദ്രപ്രസ്ഥനമക്കാൻ ഭഗവാൻ ശ്രീകൃഷ്ണൻ അർജുനനെ പ്രോത്സാഹിപ്പിച്ചെന്നും അദ്ദേഹം കൂട്ടിച്ചേർത്തു. ആൻഡമാൻ നിക്കോബാർ ദ്വീപ സമൂഹങ്ങളിൽ പേരുകളില്ലാതിരുന്ന 21 ദ്വീപുകൾക്ക് വീരജവാന്മരുടെ പേരുകൾ നല്ഡകിയതിന് പ്രധാനമന്ത്രി നരേന്ദ്ര മോദിയ്‌ക്ക് നന്ദി അറിയിക്കുന്നതായും സംഘടന പറഞ്ഞു.
Comments