ഇന്ത്യയിലെ ഏറ്റവും വലിയ ഹെലികോപ്റ്റർ നിർമ്മാണ കേന്ദ്രം; കർണാടകയിലെ എച്ച്എഎൽ ഹെലികോപ്റ്റർ ഫാക്ടറി പ്രധാനമന്ത്രി ഇന്ന് രാജ്യത്തിന് സമർപ്പിക്കും

ന്യുഡൽഹി: പ്രതിരോധ മേഖലയിലെ ആത്മനിർഭരയിലേയ്‌ക്കുള്ള മറ്റൊരു ചുവടുവെയ്പ്പിന് കൂടി രാജ്യം സാക്ഷ്യം വഹിക്കുന്നു. കർണാടകയിലെ ആരംഭിക്കുന്ന ഹിന്ദുസ്ഥാൻ എയ്റോനോട്ടിക്സ് ലിമിറ്റഡിന്റെ ഹെലികോപ്റ്റർ നിർമ്മാണ കേന്ദ്രം പ്രധാനമന്ത്രി നരേന്ദ്രമോദി ഇന്ന് ഉദ്ഘാടനം ചെയ്യും.

ഏഷ്യയിലെ തന്നെ ഏറ്റവും വലിയ ഹെലികോപ്റ്റർ നിർമ്മാണ കേന്ദ്രമാണിത്. ഇവിടെ ലൈറ്റ് യൂട്ടിലിറ്റി ഹെലികോപ്റ്ററുകളാണ് (എൽയുഎച്ച്) നിർമ്മിക്കുന്നത്. മൂന്ന് ടൺ ക്ലാസ്സ്, സിംഗിൾ എഞ്ചിൻ മൾട്ടി പർപ്പസ് യൂട്ടിലിറ്റികള്ളുള്ള ഹെലികോപ്റ്ററുകളാണ് നിർമ്മിക്കുന്നത്. എൽസിഎച്ച്, ഐഎംആർഎച്ച്, തുടങ്ങിയ ഹെലികോപ്റ്ററുകൾ നിർമ്മിക്കുന്നതിനായി ഫാക്ടറി വിപുലീകരിക്കും.

കൂടാതെ എൽസിഎച്ച്, എൽയുഎച്ച് ഹെലികോപ്റ്ററുകളുടെ അറ്റകുറ്റപണികളും ഫാക്ടറിയിലുണ്ടാക്കും. രാജ്യത്തെ ഹെലികോപ്റ്ററുകളുടെ മുഴുവൻ ആവശ്യങ്ങൾ തദ്ദേശീയമായി നിറവേറ്റുന്നതിനായി പ്രാപ്തമാക്കും. ഹെലികോപ്റ്ററുകളുടെ രൂപകല്പനയും നിർമ്മാണവും എച്ച്എഎൽ ഫാക്ടറിയിൽ നടക്കുമെന്ന് പ്രധാനമന്ത്രി പറഞ്ഞു.

അടുത്ത 20 വർഷത്തിനുള്ളിൽ മൂന്ന് മുതൽ 15 ടൺ വരെ ഭാരമുള്ള പതിനായിരത്തിലധികം ഹെലികോപ്റ്ററുകൾ കർണാടകയിലെ തുമകൂരിൽ നിർമ്മിക്കാനാണ് എച്ച്എഎൽ പദ്ധതിയിടുന്നത്.ഇതിന്റെ ഫലമായി ഈ മേഖലയിലെ 6000 പേർക്ക് തൊഴിൽ ലഭിക്കും.2016-ലാണ് ഫാക്ടറിയുടെ തറക്കല്ലിടൽ കർമ്മം പ്രധാനമന്ത്രി നിർവ്വഹിച്ചത്. 615 ഏക്കറിൽ വ്യാപിച്ചുകിടക്കുന്ന ഗ്രീൻഫീൽഡ് ഹെലികോപ്റ്റർ ഫാക്ടറിയാണിത്.