സസ്പെന്‍ഷനിലായ പോലീസ് ഇൻസ്പെക്ടർ പാലിയേക്കര ടോൾ പ്ലാസയിൽ തീകൊളുത്തി ആത്മഹത്യയ്‌ക്ക് ശ്രമിച്ചു

തൃശൂർ ; സസ്പെൻഷനില്‍ കഴിയുന്ന പോലീസ് ഇൻസ്പെക്ടർ ടോൾ പ്ലാസയിൽ ജീവനൊടുക്കാൻ ശ്രമിച്ചു. പാലക്കാട് മീനാക്ഷിപുരം സ്റ്റേഷനിലെ ഇൻസ്പെക്ടർ ലിപിയാണ് പാലിയേക്കര ടോൾ പ്ലാസയിൽ ആത്മഹത്യയ്‌ക്ക് ശ്രമിച്ചത്. കാറിൽ പെട്രോളുമായെത്തി തീകൊളുത്തി മരിക്കാനായിരുന്നു ശ്രമം.

കാറിന്റെ ചില്ലു തകർത്ത് പോലീസും അഗ്നിരക്ഷാസേനയും സോപ്പുവെള്ളം ചീറ്റിച്ചതോടെ ശ്രമം പാളി. ഇൻസ്പെക്ടറെ ആശുപത്രിയിലേക്കു മാറ്റി. കൊല്ലം സ്വദേശിയാണ് ലിപി‌. മുതിർന്ന പൗരനോട് അപമര്യാദയായി പെരുമാറിയതിനാണ് ലിപിയെ സസ്പെൻഡ് ചെയ്തത് .