ബെംഗലൂരു: രാജ്യത്തുടനീളം 27 വനവാസി ഗവേഷണ കേന്ദ്രങ്ങൾ സ്ഥാപിക്കുമെന്ന് ബിജെപി അദ്ധ്യക്ഷൻ ജെപി നദ്ദ പറഞ്ഞു. കർണാടകയിലെ ചാമരാജനഗറിലെ സോളിഗ വനവാസി സമൂഹവുമായി സംവദിക്കുകയായിരുന്നു അദ്ദേഹം. രാജ്യത്തെ 36,000-ലധികം വനവാസി ഗ്രാമങ്ങളെ മാതൃകാ ഗ്രാമങ്ങളാക്കുമെന്നും അദ്ദേഹം പറഞ്ഞു.
കർണാടകയിലെ നാലിടങ്ങളിൽ നിന്നാരംഭിക്കുന്ന വിജയ സങ്കൽപ യാത്ര നദ്ദ ഫ്‌ലാഗ് ഓഫ് ചെയ്തു. 20 ദിവസത്തിനുള്ളിൽ യാത്ര 8,000 കിലോമീറ്റർ പിന്നിടുമെന്നും നദ്ദ പറഞ്ഞു. സങ്കൽപ് യാത്രയിൽ 75 പൊതുയോഗങ്ങളും 150 റോഡ്‌ഷോകളും നടക്കും.
വിജയ് സങ്കൽപ് യാത്രകൾ ബെലഗാവിയിൽ പ്രതിരോധ മന്ത്രി രാജ്‌നാഥ് സിംഗും മറ്റ് രണ്ട് സ്ഥലങ്ങളിൽ കേന്ദ്ര ആഭ്യന്തര മന്ത്രി അമിത് ഷായും ഫ്‌ലാഗ് ഓഫ് ചെയ്യും. കേന്ദ്ര സർക്കാർ ഈ സാമ്പത്തിക വർഷത്തെ ബജറ്റിൽ 12,461 കോടി രൂപയുടെ വികസനപ്ര വർത്തനങ്ങളാണ് വനവാസികൾക്കായി കരുതി വെച്ചിരിക്കുന്നതെന്നും അദ്ദേഹം കൂട്ടിച്ചേർത്തു.
കേന്ദ്ര സർക്കാർ ദേശീയ പിന്നാക്ക വിഭാഗ കമ്മീഷന് ഭരണഘടനാ പദവി നൽകി. ദേശീയ ഫെലോഷിപ്പ് പദ്ധതി പ്രകാരം ഏകദേശം 18,000 ഗുണഭോക്താക്കൾക്ക് ധനസഹായവും നൽകുന്നുണ്ടെന്നും അദ്ദേഹം കൂട്ടിച്ചേർത്തു. വനവാസികൾക്കും പാവപ്പെട്ടവർക്കും സ്ത്രീകള്ക്കും അശരണർക്കും വേണ്ടിയാണ് കേന്ദ്രസർക്കാർ പ്രവർത്തിക്കുന്നതെന്നും അദ്ദേഹം പറഞ്ഞു. കേന്ദ്ര സർക്കാരിൽ രാജ്യത്തിനു വേണ്ടി പിന്നോക്കവർഗ്ഗത്തിൽ നിന്നുള്ള 12 മന്ത്രിമാരുണ്ടെന്നും അദ്ദേഹം പറഞ്ഞു.
Comments