ഐഎഎസ് ഉദ്യോഗസ്ഥയുടെ വസതിയിൽ റെയ്ഡ് ; മൂന്ന് കോടി രൂപ ഇഡി കണ്ടെടുത്തു

റാഞ്ചി : ഐഎഎസ് ഉദ്യോഗസ്ഥയുടെ വീട്ടിൽ റെയ്ഡിനിടെ മൂന്ന് കോടി രൂപ ഇഡി കണ്ടെടുത്തു. സസ്‌പെൻഷനിലായിരുന്നു ഐഎഎസ് ഉദ്യോഗസ്ഥ പൂജ സിംഗാളിന്റെ ഹസാരിബാരയിൽ വസതിയിൽ നിന്ന് രേഖകളും മൂന്ന് കോടിയോളം രൂപയാണ് കണ്ടെടുത്തതായി ഉദ്യോഗസ്ഥർ വ്യക്തമാക്കി.

കള്ളപ്പണക്കേസുമായി ബന്ധപ്പെട്ട് ഇഡി സംസ്ഥാനത്ത് പലയിടങ്ങളിലും റെയ്ഡ് നടത്തുകയാണെന്ന് ഉദ്യോഗസ്ഥർ അറിയിച്ചു. റെയ്ഡ് നടത്തുന്നതിനിടെ സംസ്ഥാനത്തെ സ്വകാര്യ കമ്പനികളുടെ എംഡിയായ മുഹമ്മദ് അൻസാരിയുടെ വസതിയിൽ നിന്നും 500 രൂപയുടെയും 2000 രൂപയുടെ നോട്ടുകെട്ടുകൾ കണ്ടെടുത്തതായി ഉദ്യോഗസ്ഥർ അറിയിച്ചു.

ഐഎഎസ് ഉദ്യോഗസ്ഥയായ പൂജ സിംഗളിനെ എംജിഎൻആർഇജിഎ പദ്ധതിയിലെ ക്രമക്കേടുകളുമായി ബന്ധപ്പെട്ട് കള്ളപ്പണക്കേസിൽ മെയ് 11-ന് ഇഡി പൂജ സിംഗാളിനെ അറസ്റ്റ് ചെയ്തിരുന്നു. നിരവധി കേസുകളുകളുമായി ബന്ധപ്പെട്ട് പലതവണ സിംഗാളിനെ ജോലിയിൽ നിന്ന് സസ്‌പെൻഡ് ചെയ്തിരുന്നു. കേസുമായി ബന്ധപ്പെട്ട് അന്വേഷണം പുരോഗമിക്കുകയാണെന്ന് ഉദ്യോഗസ്ഥർ അറിയിച്ചു.